حبيباتى المتاخرات فى الحمل بسبب مشكله عند الزوجمعظم الدكاتره تقريبا بتطلب فى بادىء الامر تحليل سائل منوى عادى للزوج
وده بيحتوى على اشياء كتير مهمه، اهمها طبعا:العدد،الحركه،اللزوجه،الصديد،….الخ
ومنه بيبان لو فى نقص ف العدد او لزوجه عاليه او اى مشكله اخرى فى السائل المنوى
ولكن للاسف اغلب الدكاتره(الا لو كان دكتور شاطر)مش بيطلبوا تحاليل الهرمونات للزوج
مع انها بتكون مهمه جدا فى اكتشاف او تحديد الأسباب الى وراءالمشكلات اللى ممكن تكون فى السائل المنوى للزوج
وده هيؤدى لعلاج المشكله بصوره جيده وصحيحه بدل اللف فى متاهات
لان اى مشكله لما بيتعرف سببها ايه بتتعالج صح
يعنى على سبيل المثال ان ارتفاع نسبه هرمون ال Fsh عند الرجل بتؤدى لقله عدد الحيوانات المنويه
وللاسف ارتفاع هذا الهرمون ليس له علاج حتى يومنا هذا
وده اللى اتكلمت عنه فى موضوعى ده
اللى زوجها عنده مشكله فى الحيوانات المنويه ،،،مهم جدا جدا انك تعرفى المعلومه دى
انا هنا فى الموضوع ده هقول لكم على اهم الهرمونات اللى المفروض تتعمل بجانب تحليل السائل المنوى العادى
واللى بتكون السبب وراء المشكلات الاخرى فى التحليل
واهم الهرمونات هى:
هرمون التستستيرون (Testosterone)
والنسبه الطبيعيه تتراوح بين 280-1100 mg/dl
هرمون ال اف اس اتش (Fsh)
نسبته الطبيعيه المفترض تكون اقل من 22 mIU/ml
هرمون ال اتش( Lh)
والنسبه الطبيعيه تتراوح بين 1 الى8.4 mIU/ml
هرمون الحليب(Prolactin)
6-17 ميكرو جرام /لتر.
وهما دول اهم الهرمونات اللى اى خلل فيها بيسبب مشكلات فى السائل المنوى
وياريت لو اى واحده تعرف اى هرمون تانى اكون انا نسيته تقول لى عليه ونضيف مشاركتها فى الموضوع عشان يبقى متكامل
وفى المشاركات الجايه هتكلم عن كل هرمون على حده وعلى تأثير على السائل المنوى
الموضع طويل شويه بس ان شاء الله مفيد
لذلك سامحونى لو مقدرتش انزله على بعضه
تابعونى حبيباتى،،،
[/center]
sokkar nabat sokkar nabat 202434_55.gif Fatakat 202434 ♥♥حضن جوزى وابنى حبايبى♥♥ربنا يخليهم لى ويبارك لى فيهم♥♥ – ◘◘بيتى اللى هو مملكتى الصغيره◘◘