بصوا يابنات نا مش مخطوبه بس خلاص قررت اجهز المهم انى اشتريت حاجات
بس ماما بتقول قليله اووووووووووووووووووووووى قولوا رائيكم عشان ماما هتجننى
المفروشات
1- 4 بطاطتين _واحده جايه من السعوديه – وواحده تركى ماركه مينك – واحده اسبانى مش فاكره الماركه- وواحده مصرى )
2- 3 لجاف فيبر + احد لحاف قطن
3- 12 ملايه مطرزه+ 6 تركى + 5 ستان +12 مطبوع وبتقول نجيب قماش ونفصل
4- 30 فوط وش +2 بشكير + 2 برنس واحد كب وواحد بكم قصير + البرنس اللى بيكون فى رجالى وحريمى
5-مفرش قطيفه تركى 1200 جنيه هاموت على فلوسه+ مفرش ستان وله مفرش الفرح
مجبتش لاوضه الاطفال وانا اعرف اللى هيجى هيعمل اوضه اطفال ولا لاء والسفره لسه
ماما بقى بتقولى كده قليل عشان اختى كانت مفتريه وجابت اكتر منى بكتير
النيش والمطبخ
1- طقم صينى هيتجاب النهارده
2- طقم اركوبال
3- ضقم اركوبيركس
4- طقم سيراميك
5- طقم اركوبال للمطبخ
6- طقم ميلامين
7- طقم حلل تيفال + الصوانى
8- طقم حلل استانلس
9- طقم المونيوم + الصوانى
10- طقم حلل صاج اللى بيكون من جوه تيفال
11- طقم حلل بيركس وصوانى
12- 2 طقم شربات للنيش
13- 8 اطقم كاسات ل طقم جايباه 250 و300 جنيه لما هاطق
14-4 اطقم مايه للنيش
15- طقم جاتوه
16- طقم جاتوه كريستال
17- طقم خشاف كريستال
18- طقم جاتوه للمطبخ رخيص مش غالى
19- طقم خشاف للنطبخ عادى
20- 3 اطقم كاسات للمطبخ
21- طقم ين كوبايات مايه
22- 3 اطقم فنجاين قهوه
23- 2 طقم فنجان قهوه للمطبخ
24- شنطه الملاعق
25- شنطه معالق للمطبخ افترى الله يسامحك ياماما
26- شياله ملاعق
27- شياله سكاكين سمرا
28- شياله سكاكين الوان
29- 4 اطقم سكاكين عاديه
30- شنطه سكاكين
31- 6 اطقم مجات شاى للمطبخ منهم اتنين كريستا
ماما بقى شايه ان دا قليل جدا ولازم اكتر واجيب اكتر من كدا طبعا
فى حاجات ناقصه له مجتهاش بس مش معقول هاجيب اكتر من كده للنيش
انتوا ايه رايكم اجيب تانى ولا كفايه
ملاحظه ياقمرات
اقسم بالله انا شايفه انه كتير وفلوس وبتترمى فى الارض
بس انا مش عاوزه ازعل ماما وقولت انتوا قولوها انه كتير
عشان لما بتكلم بطلعلى قائمه اختى وتقولى بصى
وبقولها انا مليش دعوه وعاوزه اشيل فلوس فى حسابى للزمن
رحمه الرحمن رحمه الرحمن ممنوعة من المشاركة Fatakat 791409 الجيزة – مصر