هاي بنات
التوبيك ده هيكون للامهات الامورات اللي هيفضلوا طول عمرهم شيك وحلوين مهما عمل فيهم الجواز والعيال والشغل…………..
عايزين نشجع بعض علشان ننزل الوزن الزائد أو نحافظ على الرشاقة
أنا جوانا ام لطفلة عندها 3 سنين وعمري 26 وزني 65 وطولي 168 من سنة كان وزني 58 بس شغل المكتب والاكل برة البيت زودني السبعة كيلو دول طبعا لبسي بقى ضيق اوي ومش ينفع اخرج بيه وكمان حاسة اني تقيلة لان جسمي ماتعودش عالوزن الزائد.
المهم. الوقت عشان الرياضة وتنظيم الاكل كان معدوم
لكن من النهاردة انا بدات وحبيت اوثق بدايتي دي معاكو علشان كله يلتزم
هنكتب يومياتنا وبنعمل ايه عشان نوفق مابين البيت والولاد والزوج ونفسك ورشاقتك
انا امبارح بليل حسيت بحماس رهيب وقلت انتهز فرصة ان جوزي بيتفرج عالتيفي وبنتي بتلعب واروح اضربلي نص ساعة ايروبيك فالاودة
لقيت جوزي بيقولي ماتخليكي اعده معانا منورانا عرفت ان ده عدوي الاول. اول واحد يعترض عالتخن واول واحد يحبط عزيمتك.
رحت صممت وقلتله لو سمحت وقت الرياضة بتاعي وقت اجباري ويجب احترامه.
رحت داخلة اودتي وقافلة عالية ومشغلة ميوزك وهاتك يارياضة تخيلوا كملت ساعة كاملة من غير ماحس….
بس حسيت بفخر وحماس ودي احسن بداية … والنهاردة فالشغل كلت خيار وموزة وزبادي خالي الدسم وكمترى وشريحة توست اسمر…. ولما هروح هاكل خضار مطبوخ وقطعتين لحم وسلاد ….
طولت عليكو اوحنا لسة مابداناش اصلا…
مستنية مشاركاتكم
Joana Joana 202489_1.gif فتكات جديدة Fatakat 202489 دبي – روحي في مصر