السلام عليكم ورحمه الله و وبركاته
وحشتونى يا فتوكات كتيررررررررررررررر
ندخل فى الموضوع
انا دورت كتير على طريقه عمل الزبادى بالماكينه ماركه كينود kenwood
مالاقتهاش فقررت اعملكوا الزبادى فيها وبالفراوله كمان عشانا انا بقيت محترفه فيه خلاص
وماحدش يعرف يعمله زي
ههههههههههههههههههههه
الاول اهم معلومه عشان تعملى الزبادى لازم يكون عندك كوبايه زبادى بلدى
انا بقرر اهو زبادى بلدى مش جهينه والكلام ده ما بينفعش
ولما بتيجى تعملى تانى مره خدى نص كوبيه من اللى انتى عملتيه واشتغلى بيه تانى
تانى حاجه الماكنه سعتها واحد كيلو بس
ثالثا التيمر اللى فيها ده عدد الساعات اللى عايزة تخلصى فيهاالزبادى يعنى بعد ساعتين ولا سته وهاكذا
انا بصراحه ثابته ع 6 ساعات وبيطلع معايا الحمد لله ممتاز
بتقلبى كوبايه الزبادى اوووووووووى ونزلى بيها ع كيلو اللبن وتحطى السكر لو عايزاة بالسكر وتصبيها فى الكوبايات بتاعه الماكينه ده لو زبادى ساده
بس ان النهارده هاعمله بالفراوله
بس كيلو اللبن ها نشيل منه مج لبن ونحط عليه مج فراوله مضروبه او مهروسه وشويه سكر
بس كده وما حدش يحط فانيليا عشان طعمه بيمرر
ونصبها فى الكبيات ونسبها
اه فى حاجه مهم
لازم تملى الكوبايه على اخرها عشان تعمل وش دسم كده زى بتاع المحلات وكمان ما تعملش شرش
واللى مش فاهم يعنى ايه شرش
يعنى شويه مايه كده
واللى مش فهم بردوا يعنى ايه شرش يخرج من الموضوع بتاعى مش عايزة خنقه ههههههههه
انا بهزر معاكوا اسيبكوا معا باقى الصور بقا
قبل ما تاخدى غردك منى وتسبينى اطلعى قيمى الموضوع
بتاعى
بالنها والشفتشى
ها خارجه بتسحبى منك ليها قبل ما تقيمى ليه مواضيع هذا القسم برعاية
osha_ahmed osha_ahmed 144507_1.gif فتكات متميزة Fatakat 144507 القاهرة – ام الدنيا مصر
