اخواتي صباح الخير عليكم جميعا انا عندي مشكلة حابة اعرضها عليكم وياريت اذا في اختصاصي نفسي يرد علي لانو بالجد انا تعبانة مشكلتي بتتلخص في اني بحس اني حاموت والاحساس ده مابراودني الا في الليل بس يعني طول اليوم اكون تمام مافي مشكلة بس اول ما امشي علي السرير يجيني الاحساس ده وافضل افكر في اطفالي وانا حاسيبهم وتبدا نفسيتي تتدهور واحيانا بشعر باعراض مرضية في بعض المرات بستغفر وبحاول اخرج نفسي من الحالة الانا فيها واحيانا مابقدر
المهم الحالة دي بتجيني في اوقات تانية يعني خلال اليوم بس انا لاحظت انها بتكون مواعيد البريود فانا ربطت بين الاتنين قلت احتمال يكون في علاقة بين البريود والاحساس دة تاني حاجة حابة اذكرها انو انا زمان ماكنت كدة يعني الشى دة جاني بعد الزواج وتحديدا بعد الانجاب وانا بصراحة خايفة الموضوع يتفاقم ويزيد فارجوكم ارجوكم ارجوكم افيدوني لانو بجد انا خايفة الموضوع يتطور
ملاحظة صغيرة انا والدي الله يرحمه اتوفي من 8 سنوات وماكان مريض كان تمام بس جيت اصحيه الصباح لقيته مابتحرك هو اتوفي وهو نايم الله يرحمه فهل دة ممكن يكون ليه علاقة بالموضوع وربنا يخليكم لي يااغلي اخوات في الوجود
MANOONA MANOONA فتكات حبوبة Fatakat 446098 الخرطوم – السودان
سبحان الله و بحمده