السلام عليكم ورحمة الله وبركاته
أزيكم يافتوكات أخباركم أيه وعملين أيه ياحبايبى زى ماأنا كاتبه العنوان ياجماعه ليه منريحش نفسنا
احنا كده كده بنكون مستعجلين وكل عروسه بتتجوز تلاقى الكل مراقبها وميعديش وقت عليها
غير لما الكل يسأل لسه مفيش حاجه وطبعا انتوا كلكم عرفين النظام ده تقوم كل واحده تتسرع وتروح تكشف وهى نصيبها
ممكن تقع فى دكتورة تفضل تديها منشطات وهى ماشيه وراها وخلاص ونهايتها للاسف ممكن تكون لمشكله ملهاش حل
وممكن تكون عارفه وعندها خلفيه فمتستعجلش وتبدأ تعمل تحاليل وتطمن
وممكن تمشى فى العلاج هى لو عندها حاجه ومتفكرش فى ان زوجها ممكن يكون عنده مشكله
وانا شفت ادامى حالات كده وبجد فى ظلم جامد جدا على الست وفى مصر طبعا بصين للست وكأنها هى اللى مسئوله
لوحدها عن تأخر الانجاب وكأنها يعنى هتجيب العيال دى من اى محل مثلا ولا هتنزل تجيبهم من السوق الواحد
بيتغاظ والله طيب والله ياجماعه انا شفت اللى متاخره بال8سنين علشان زوجها مفيش حيوانات منوية وفى
مشاكل بالنسبه ليه وكمان مش مستعجل ولا مهتم بتحديد سبب المشاكل دى وهى ياعينى تقضى اغلب وقتها وتحس ان ضغطها بيزيد وحالتها النفسيه بتسوء والله العظيم هو ده الواقع وخصوصا لو سمعت كلمه
من حد والمشكله الافكار الخاطئة بين قوسين (المتخلفه ) بصراحه يعنى ان زى مايكون عيب ان نقول ان فى مشكله
عند الزوج وكان لازم الست هى اللى تتحمل ولو هى اللى عندها مشكله تلاقى الدنيا كلها عرفت وتسمع كلام يقرفها
ولكن واحده اعرفها اللى بقالها 8سنين يجوا اهلها يقولوا المفروض يجربوا حاجه تانيه ويكشفوا ومامتها عايزه اخوها يكلم
زوجها تقوم حماتها تقول اصل علشان حالتها النفسيه وليه محدش بيراعى نفسيه است وليه لما يكون عندها مشكله
يقرفوها ولو الموضوع طول معلش الزوج ممكن يتزوج الست غير الراجل واكيد كلكم عرفين قصص من دى
طيب ليه منحلش المشكله دى والتحاليل مفيش فيها اى تعب ولا مشكله ليه ميكنش فيه اتفاق ان ده امر عادى وليه
منتطمنش مش بعد مايعدى سنه احنا كلنا من اول يوم بنبقى مستنين الحمل ومش هنتضحك على بعض
يبقى ليه منتطمنش من الاول حتى علشان لو فى حاجه عند الزوج تتعالج فى فترة قبل الزواج او لاقدر الله فى مشكله
جامده التعامل مع الموضوع هيكون اسهل بكتير فياريت ونتمنى يكون الامر ده طبيعى والافكار المغلطه دى تتغير لان انا
شيفه الست هى الضحيه فى كل الحلات ده حتى لو الواحده حملت فى اول الجواز يقولك هى لحقت حاجه بجد لا تطاق فحلا لكل ده انا شيفه ان الكشف يكون قبل الزواج وياريت اللى معايه فى كده
يرد ويقول رايه والله انا اصلى برضه عايشه فى حاجه زى دى وصحيح المشكله بسيطه بس الواحد نفسيته بتتعب اوقات
كتير طيب ليه ماالامر يبقى واضح للجميع وخصوصا معلش لو حماتك موجوده واهل زوجك وطبعا الكلام من ورا كل واحده
بيبقى كتيى وفى ناس معندهمش مشكله انهم يتكلموا بالكدب حتى بس لمجرد انهم يقولوا ان الزوجه هى اللى عندها
سبب التاخير بسبب برده التفكير الغلط وانهم بيشوفوا ان ده عيب وحاجه غلط وبيخلطوا الامور ببعضها فياريت نحاول نغيير
من الافكار دى ويكون فعلا الكشف من البدايه وربنا يرزقنا جميعا والمسلمين بالذرية الصالحه وكل واحده فى فتكات
قريبا ربنا يكرمها ب
وتبقى احلى ام يارب وكل مشتاقه وكل المسلمين يارب
إن المتقين فى جنات ونهر إن المتقين فى جنات ونهر 764073_7.gif سوبر فتكات Fatakat 764073 مصر – مصر