بسم الله الرحمن الرحيم
لو هتلبسى سالوبتات داخليه يبقى اقفلى واحد بس منهم علشان متضيقش البببى وعلشان ضمان ط§ظ„طھط¯ظپظٹظ‡ لبسيه بنطلون وبعدين اقفلى عليه السلوبت بس يكون فى فالنه تحت الاول علشان استك البنطلون ميوجعش بطنه
احسن حفاضات بيبى جوي ونازله حديث الولاده فيها فتحه علشان السره يعنى امان على الاخر
اما نوعيه الملابس جونيور روعه مفيش كلام بس عادي نوعى علشان الميزانه تتحمل
هاتى الغالى والرخيص
البيجامات مش عمليه الا اذا دخلتى القطعه اللى فوق فى البنطلون وكده كده هو ملفوف فبتبقى مش باينه
بس هيدفى
هتحتاجى تغيريله كتير علشان فاهتمى بالهدوم تكون عددها مناسب وبلاش تجيببى كله مقاس صغير ولاكله مقاس كبير يعنى هاتى مثلا 3 او 4 سالوبيات من 0الى 3 والباقى كبير وعلى فكره ممكن لو الحجم الصغير صغر افتحيه من تحت من عند الخياطه وعادي ممكن ترجعيهم تانى لما تحبى زي ماعملت وطبعا لما تفتحيهم هتلبسى عليهم شراب
الكاريكوت مهم علشان فى الاول يكون نايم فيه عى طول وميبقاش من ايد لايد الكاريكوت هيحميه واللى هيشيله هيشيله بيه
بلاش مخدات فيير للبيبى فى الاول خالص ولو لقيتى انه دايما راسه تقيل ونايم على جنب واحد من راسه فى مخده طبيه بتتباع فى الصيدليه لحديث الولاده بس تحفه ومريحه هى منفوخه هوا
بلاش تلفيه ط¨ط§ظ„ط¨ط·ط§ظ†ظٹظ‡ على طول لفيه بالكوفرته وغطيه بالبطانيه المهم حاجه قطن تكون هى اللى تحت دماغه مش اصواف
خلى اللبس بتاعه الملامس للجلد كله قطن وابعدي عن الاصواف نهائى
اتاكدي من درجه حراره الغرفه وانتى بتغيريله بلاش تكون الغرفه ساقعه وتقومى مغيرله كل الهدوم اقفلى المكان كويس علشان تيار الهوا وحاولى تغيريله تحت كوفرته او بطانيه مش تعرضيه للهوا
وانتى بتجيبى مستحضرات الخاصه بالبيبى ركزي على المكونات وبلاش تجيبى حاجات فيها نسبه البرفان عاليه علشان متعملش حساسيه فى صدر طفلك
يعنى بلاش تملى الهدوم كمفورت ولا دوانى فى الغسيل الله يباركلك
وبلاش بيرسول يملى الاوضه واي حاجه ليها ريحه قويه
فى حاجه مهمه كمان فى الرضاعه لازم الطفل يكون نايم على جنبه وتكونى حاطه رجل على رجل ورافعه نصف اللى فوق او استخدمى مخده الرضاعه او اى مخده حطيها تحته على رجلك
انا ابنى وهو صغير فضل يعيط كتير قوي وكشفت عليه ولما رحت لدكتور كبير قالى انه من ودنه بعد مادوخت ولانى كنت برضعه وهو نايم عل ظهره كان اللبن لو وقع من بقه بينزل فى ودنه وهو اللى قالى على الطريقه الصح
ولازم بعد كل رضعه تكرعيه يعنى تشيليه على دراعك وتطبطبى على ظهره لحد ما يتركع هو ساعات الموضوع بياخد وقت بس لازم وضروري
سنه الحبيب سنه الحبيب images/avatars/illuminated.gif سوبر فتكات Fatakat 264678 مع زوجى – مصر