السلام عليكم ورحمة الله وبركاتة
انا قلت اكتب موضوع لستات البيوت ازاى لما تروح تشترى سمك تعرفة ومحدش يضحك عليها
اولا
ازاى تعرفى ان السمكة دى طازجة وليست بايتة وبايظة
على حد علمى الضئيل
بصى يا ستى
لازم تكون الخياشيم بتاعتها لونها وردى وليس احمر قاتم
لازم تكون عينها طبيعية بمعنى انها خارجة برة وليست مغمورة داخل عظمة العين
لازم تكون القشور على جسمها ماسكة فى الجسم يعنى لما تيجى تشديها مش بتتشد بسهولة تكون لونها بيلمع مش مطفى وشاحب
وطبعا لازم تكون ريحتها سمك فرش مش ريحة معفنة
دى اهم الاشياء
ثانيا
هعرفكم على بعض انواع السمك وازاى تعرفيها
ولو عجبكم الموضوع نكمل باقى الانواع
هنبدا بانواع سمك معظمكم عرفينوا
سمكة البلطى
مميزات السمكة :
1-الجسم بيكون مضغوط من الجنبين (مبطط)
2-الفم بتعها بيكون طرفى(يعنى بالبلدى عامله شكل بوز) والاسنان واخدة شكل سنون المنشار
3-زعنفة الذيل بتكون مخططة ومقسومة بس مش باينه فى الصوره
4- السمكة دى نيلية
سمكة البورى
مميزات السمكة:
1- جسمها مغزلى الشكل
2- الفم يرى من الجهة السفلى للسمكة ويكون على شكل حرف v (الصوره التانيه)
3-الزعنفة الذيلية مقسومة
4-الراس مضغوطة من فوق لتحت وليس من الجنبين
5- الزعنفة الظهرية تكون مقسومة الى جزئين الجزء الاول اما تيجى ترفعيها مدعم بشوكة والجزء الثانى اما تيجى ترفعيها يكون على شكل اشعة
6- السمكة بحرية
سمكة البياض
مميزات السمكة:
1-الراس مضغوطة من فوق لتحت
2- عندها شنبات (زوائد استشعارية تتدلى من الفم ) وتكون غير متفرعة
3-الزعنفة الذيلية تكون مشقوقة للداخل بوضوح مثل الشوكة
4- الزعنفة الصدرية يكون بها شوك
5- الزعنفة الظهرية تكون مقسومة الى جزئين الجزء الاول يكون مدعم بالعديد من الشوك والجزء الثانى مدعم بنسيج دهنى
6-السمكة نيلية
معلشى السمك اللى فى الصور بايت مش صابح احنا اتفقنا على الصابحه بتكون ازاى
اذا عجبكم الموضوع نكمل علشان نجيب باقى انواع السمك وفواكه البحر
مع دعواتكم مواضيع هذا القسم برعاية
هند2017 هند2017 فتكات متميزة Fatakat 78685 المنوفية – مصر