بسم الله الرحمن الرحيم
زي ما العنوان بيقول
ببساطه انا عامله الموضوع ده علشان نتعود ع الرياضه خلال شهر واحد
وانها تبقا روتين في حياتي
علميا معروف ان الانسان محتاج 21 يوم علشان يتعود ع اي حاجه في حياته
والموضوع ده مدته شهر بس
هنبتدي اول اسبوع بالرياضه لمدة 20 دقيقه
وتاني اسبوع 30 دقيقه
تالت اسبوع 40 دقيقه
ورابع اسبوع 50 دقيقه
وده من اول 15/2/2016
لحد 15/3/2016
يعني هنخرج من الشهر واحنا متعودين ع الرياضه كروتين يومي لمدة ساعه الا ربع تقريبا
بصرف النظر عن نوع الرياضه
سواء كان مشي او رقص او الرياضه ع اي اجهزه رياضيه او تمارين او نط الحبل اي حاااااااااااااااااااااجه
بس الاحسن انك تتعودي ع الرياضه اللي انتي عارفه انها متوفره ليكي علطول
يعني مش مشتركه في جيم لمدة شهر وبعد كده خلاص
لا احنا عاوزنا نظام حياه
فالموضوع ده مش للي عاوزين يخسوا بس لا
ده للناس اللي عاوزه تعمل رياضه بصرف النظر هى تخينه او رفيعه
انا عاوزه البنات اللي حابه وعاوزه الرياضه تبقا جزء من حياتهم
لان الرياضه مش علشان نخس بس
لالالالالالالا
هى علشان صحتنا وشكل الجسم والنفسيه كمان
علشان كده انا عملت للرياضه موضوع مستقل عن الجروب بتاعي
علشان مش عاوزه الرياضه تبقا محصوره بس للي ناس اللي عاوزه تخس وبس
يارب ما تخذلونيش والاقي فعلا بنات عاوزه الرياضه تبقا جزء من يومها
لاني بجد محتاجه اتعود ع الرياضه وتبقا جزء من يومي سواء كنت بعمل دايت او لا
طبعا اي واحده عاوزه تنضم لينا اهلا وسهلا بيها
وان شاء الله نساعد بعض ونكون عون لبعض في حاجه مفيده
انا كتبت الموضوع ده بنية صدقه جاريه علشان يارب يكون سبب في ان اي واحده تتعود ع الرياضه وتبقاجزء من حياتها
الموضوع ده برعاية
الجـ12ـزء من جروب "شعارنافي الأسواق لوسمحت أصغر مقاس small size"يارب نلبسه قريب
https://fatakat.univanet.com/#2503656
ود موضو فيه تمارين حلوه جدااااااااااااااااااااااا
تعتبر جيم كامل متكامل
عنوان الموضوع للنسخ
هدية جروب شعارنا في الاسواق "لو سمحت اصغر مقاااس small size " لكل الفتوكات القمرات
https://fatakat.univanet.com/#2085284
انا بصراحه مكنتش عارفه اكتب ايه لان الموضوع بسيط جدا
الهدف منه ان احنا نشجع بعض ع الرياضه لمدة شهر بطريقه تصاعديه مريحه لحد ما نتعود عليها
بس انا مش عارفه بقا ف فتوكات هيجوا يعملو معايا رياضه ولا انا هعمل لوحدي
وربنا عالم اني بجد عامله الموضوع علشان اساعد نفسي واساعد البنات اللي هتشترك معايا
وما تخافوش انا الحمدلله مش ببدا ف حاجه ومكملهاش
يعني اللي تنضم ليا تتطمن هتبقا في ايدي امينه
أمنيتي أتغير للأحسن أمنيتي أتغير للأحسن 187750_28.gif فتكات غالية قوي Fatakat 187750 طنطا – طنطا