ازيكو يافتاتيك انا النهارده
عملت سمك سنجاري لاني
عامله دايت اليومين دول بس عملت معاه
رز برضه للناس الغلابه اللي قي البيت دول هههههههههههه
ماهو مش ذنبهم يعني ان انا عامله دايت
بس بجد طلع زي بتاع بره
بالضبط ومافيهوش اي دهون خالص ولازيت ولا سمته
المهم ان السمك ده مش
بس للدايت بجد كان راااااااائع وانا صورتلكو كل الخطوات وبالتكات كمان
نيجي بقي للسمك اول حاجه
هنعمل خلطة السمك
وهي اننا هنجيب بصل
وخضره الكميه علي حسب السمك اللي عندنا
نضربهم في الكيتشن
مع بعض زي الصوره كده
وبد كده هنجيب
طماطم متقطعه مكعبات-جزره مبشوره-فلفل اخضر
التوابل زي مانحب انا بحط
ملح -فلفل-كمون- توابل سمك
واااادي الخلطه
وبعد كده هنجيب السمكه بتاعتنا بعد مانفضناها وفتحناها خااااالص
نحط عليها الحشو بتاعنا عليها زي الصوره دي
وبعد كده هنجيب رده
ونحط فيها ضهر السمكه زي كده
وبعد كده نجيب الصاجه بتاعة الفرن ونسخنها كويس
ونرص عليها السمك بتاعنا
ونسيبها في الفرن لحد ماتستوي من تحت وبعد كده نشغلها الشوايه
وبعدين التكه بقي اللي بتخلي السمك كانه جااااهز بالضبط اول ماتلاقيه
خلاص احمر يادوب باقيله 5 دقايق كده
بروح ايه بقي جايبين طبق وحاطين فيه
ربع كوب ماء-5ملاعق خل-ليمونه-ملح-كمون
زي الصوره كده
ونرش بقي علي كل سمه شويه من علي الوش ونسيبها كمان 5 دقايق في الفرن
وااااااااااااااااااو بقي مااقولكيش مش هتصدقي انك انتي اللي عاملاه ههههههههههههههههه
المهم احنا لاحظنا يابنات اننا ماحطناش اي زيوت خالص عليه
ومع ذللك ااااااااادي السمك بتاعنا بعد ماطلع من الفرن
وادي كلوووز بقي علي سمكايه
للتشويق فقط ههههههههههه
وقبل مانقول الرز نقول بقي علي تكه جامده جدا للسلطه اللي زي بتاعة الحاتي بالضبط للجماعه بتوع الدايت اللي مش هاياكلو رز ياعيني هههههههههههه
نجيب الاول بصلايه نقطعها وندعكها بملح وخل وليمون ونسيبها عشر دقايق
وبعد كده نقطع عليها بقي مكونات السلطه بتاعتنا
ندخل بقي علي الرز الجامد
وانا هنا بعمل حركه جامده جدا اختصارا للوقت والمجهود وهي ايه بقي
اني بجيب الكبه بعمل حسابي علي بصل يكفي الرز والخلطه بتاعة السمك وبعد كده افرم البصل لوحديه
اخد منه للرز والباقي بقي احط عليه الخضرا ونكمل بقي الخلطه زي ماقلنا قبل كده
المهم هنجيب البصل نحطه علي النار
ونسيبها لغااية ماتتحرق ههههههههههههه
لا قصدي تحمر اوي وماتخافيش عبي ضمانتي هيطلع جاااااااامد
المهم هيبقي اللون ده
نروح ايييه بقي
جايبين نص كباية عصير طماطم ونضيفها ونقلب علي طول ونهدي النار نسيبهم مع بعض 5 دقايق
وبعد كده نجيب الشوربه بتاعتنا ونضيفها عليهم ونسيبها لحد ماتغلي
وبد كده بقي نضيف الرز بتاعنا
واهو بعد ماستوي
وبكده يافتاتيك الغدا بتاعنا خلص
فين بقي التكات اطلعي يابقي يافتوكه منك ليها هههههههههه
فوق تاني الحاجات اللي مكتوبه باللون الموف دي هي بجد اللي بتعمل كل الفرق والشغل الجامد
يلا بقي انا عايزه اعرف راي فتوكه فتوكه فيكو وماحدش يدخل يبص ويخرج
والتقييم والاهم من التقييم انكو تدعولي اني اخس بقي عشان خلاااااااااااص هعيط بجد
وفرحي باقي عليه شهرين
يالا بقي
باااااااي مواضيع هذا القسم برعاية
حبيبة قلب توتي حبيبة قلب توتي 559709_1.gif سوبر فتكات Fatakat 559709 6 اكتوبر – مصر