البيتزا من الأكلات المفضله للصغار والكبار وانا الحمد لله من كتر ما بعملها بقيت خبره فيها اصل جوزى بيحبها قوى والولاد كمان
اتفضلو طريقتى وياريب تعجبكو
اولا العجينه
تحضرى ماكينه العجن ( او وعاء للعجن باليد)
تحطى كوب لبن سائل بس يبقى دافى
كيس خميره فوريه
3 معلق سكر (مايكنش خشن)
معلقة ملح صغيره
ربع كوب زيت أو اقل
ماشى كده لحد كده سهل
هتقلبى كل المكونات دى كويس
وبعدين بحط الدقيق كوب كوب مش بمعيار او شويه شويه لانكو لسه مش خبره
لحــــــــــــد العجينه ما تكون ما بتلذقش فى ايدك
انا بستخدم الماكنه علشان بعملها بسرعه لكن ممكن طبعا باليد
طول ما ايدك بتلذق فيها العجينه تحطى دقيق بس شويـــــــــه شويـــــــــــه
بعد كده تسبيها تخمر
الحجات اللى بتحطها فوقيها
1-ممكن قطع فراخ صغيره مسويها فى شويه زيت مع ملح وفلفل وبهارات
او قطع بسطرمه ودى اسهل حاجــــــــه مش محتاجه تحضير
2-طماطم مقطعه قطع صغيره
3-فلفل رومى اخضر مقطع حلقات
4- زيتون اسود مقطع حلقات
5- جبنه موتزريلا
تحضير الصلصه
ودى بصراحه بعملها بطريقه سهله جدااااااااااااا
بجيب معلقتين صلصه وببشر عليهم حب طماطم كبيره وشوية ميه وملح وشوية زيت وسبها على النار 5 دقائق كده
بعد حوالى ساعه من عجينها وطبعا تحضير المكونات اللى قلت عليها
تشغلى الفرن على درجة حراره فوق المتوسطه (عاليه شويه)
وتبدئى فى تقسيم العجينه الى كورتين او تلاته المهم وانتى بتفرديها ماتكنش سميكه
تنضفى الرخامه كويس
وترشى عليها شوية دقيق وتحطى العجينه وعليها رشة دقيق وتفرديها تبقى حوالى نصف سنتى
تفردى الصلصه عليها
وبعدين تحطى الفراخ او البسطرمه
ورشة جبنه بسيطه
وبعدين باقى الكونات
وفى الأخر ترشى جبنه تانى عليها من فوق
وبعدين حطيها فى الفرن فى الرف الأوسط
وابقو ادعولى كل اللى بيكولها من ايدى بجد والله بيقول احسن من المطعم
وما تنسوش التقيم لما تجربوها مواضيع هذا القسم برعاية
am lojy am lojy 231139_14.gif فتكات هايلة Fatakat 231139 مدينة الشروق – مصر