عزيزاتي السلام عليكم جميعآ
حبيت اشاركم في بعد وصفات الحفظ بطريقة التجفيف
1-طريقة تجفيف النعناع محتفظ بالونه الاخضر وريحته الجميله .
2-طريقة تجفيف البصل .وده بعد عمليه التجفيف ممكن انوا يطحن وتحتفظي بيه في برطمان ويبقي لتتبيل الدجاج او يضاف للكفته وغير وصفات
3-طريقة تجفيف الطماطم .بعد ما تجهز ممكن تتفرم ويضاف ليها زيت زيتون و تحتفظي بيها في بطرمان في التلاجة وتستعمليه في عمل المكرونة الصلصة وعلى صنيه البطاطس وغير كده يبقى لشطاره الفتوكات .
ها نبتدي باسم الله
1-النعناع الاخضر .
اولآ- نغسل النعناع الاخضر كويس و نقطف ورق النعناع .
تانيا-نفرش صنيه المهم تكون بحجم كبير وتتفرش قطعه قماشة نظيفة .
تالتآ-نفرش النعناع المتقطف على الصنية المفروشه قماشه .
المهم في العمليه الاتي
1-ان النعناع بقدر الامكان مش مكوم على بعد .
2-النشر يكون في الظل ممنوع في الشمش لانه بآثر على ريحته ولونه.
3- التقليب على طول اليوم يعني من وقت لوقت مش عمليه مرهقه والله ابدآ .
4-يتلم اول ما ينشف تمامآ ,,ويفضل في بطرمان محكم الاغلاق .
ليه ؟؟؟عشان نحتفظ بريحته الحلوه .
5-احتفظي بالنعناع زي ما هو ورق وعند الاستعمال افركيه واستعمليه .
2-البصل .
اولآ-نقشر البصل ويتغسل ويتقطع البصله على اتنين بالطول وبعدين جوانح رفيعه قدر الامكان.
تانيآ-نوضع البصل المتقطع في اي حاجه يفضل بلاستيك .
ممنوع وضعه في الالمنيوم خوفآ من التاكسد
تالتآ-نضيف الملح ونحرك كويس من فوق لتحت ومن الجناب كويس عشان نتآكد ان الملح وصل لكل شريحه.
رابعآ- على اي قطعة قماش قديمه مفرش مثلآ ,وتوزعي البصل عليها .
المهم الاتي ..
1- ان البصل ليه ريحه جامده ايه الحل النشر مش جوا البيت .
البالكونه مثلآ ليه ؟؟؟عشان العمليه ديه عايزه شمس.
2- التقليب المستمر ليه ؟؟؟عشان الشمس توصل لكل شريحه .
3-كل يوم الكمية ها تقل متخافيش مفيش حد بيسرقك ؟؟
الحكايه وما فيها ان البصل كله ميه لما اتنشر تحت الشمس اتبخرت منه الميه وقل حجمه .
لما ينشف احتفظي بيه في كيس نايلون نظيف .
تقدري تطحني الكميه ايلي عندك وتحتفظي بيه في بطرمان نظيف ومحكم الاغلاق
للاستعمال .
3-طريقة تجفيف الطماطم .
1- اغسلى الطماطم .
2- قطعي ثمرة الطماطم على اتنين بالطول .
3- بالمعلقه شيلي البدور.
يعني انا عايزه جلده الطماطمية بس من غير سوائل .
4- وصلنا للنشر ..
– محتاجين حاجة وسعة عشان تتشر عليها الطماطم .
– الالومنيوم لالالالالالالالالالالالالا عشان التاكسد .
– ومينفعش نفرش تحت الطماطم اي حاجة .
– عايزين شمس جامدة للنشر .
–بعد ما نفرش الطماطم …نبدا عملية التمليح ويفضل بالملح الخشن .
– نرش الملح فوق كل نص طماطميه بكميه سخيه شويه .
– رص الطماطم يبقى بالظبط زي المراكب كده انشاءالله تكون الفكرة وصلت
نتفقدها من وقت لوقت ونغطيها من الندوه بالليل .
– اخواتي الفتوكات ….
-بعد ما تنتهي عمليه التجفيف ..
– اما تحتفظي بالطماطم قطع في بطرمان نظيف وتغمريه بزيت الزيتون .
-اوتفرمي الطماطم ..وكمان تحتفظي بيها في زيت الزيتون .
طرق الاستعمال كثيرة جدآ
انا بستنه تفاعلكم لو الموضوع هامكم وافدكم في ايه نقدر نستعمل
المكونات المجففه بتبادل المعلومات ونفيد ونستفيد .
وبارك الله في الجميع ….مع تحيات ام معتز مواضيع هذا القسم برعاية
اديان الله اديان الله images/bigsmilies/mood12.gif فتكات رائعة Fatakat 71255 طرابلس – ليبيا ربي يحميها
سبحان الله و بحمده