السلام عليكم ورحمة الله وبركاته
انا النهاردة عايزة افرح كل العالم
انا اختي متزوجة من 6 سنين من اول زواجها وهيا بتروح لدكاترة وتاخد علاج هيا وزوجها وتعمل عمليات
راحت لدكتور منه لله دكتور مشهور كان بيجي على قناة البدر
من غير مايعالج الرحمولا اي شيء قالها انتي مفقود الامل فيكي وعندك عقم غير مسبب يعني من غير سبب(مع ان هي عندها سبب وسبب مقنع كمان عندها تكيس بنسبة كبيرة في المبايض)
قالها هاتي من الاخر واعملي حقن مجهري
عملته مرتين من غير ما يعطيها اي علاج قبل العمليه ولا حتي يحاول بالمنشطات
المهم عملتها مرتين وصرفت اللي قدامها واللي وراها والله صرفت عنده اكتر من 20 الف جنيه ومجمد عنده بويضات على حسب كلامه (ان ممكن الدورة تتقطع وتدخل في مرحلة يأس مبكر ) مع العلم انها اتقطعت فعلا ومكنتش بتنزل الا بعلاج وتترفع الا بعلاج
المهم راحت لدكتور ربنا يبارك فيه يارب ويكرمه
من دمياط اسمه ياسر الشهاوي
هو مش كبير بس بسم الله ماشاء الله ممتاز تابعت عنده 3 شهور بس
قالها كل اللي عملتيه على الفاضي قالها بالنص (كأنك جبتي بذرة وحطيتيها علا بلاط وبتسقيها ميه ومستنيا انها تطرح )
انتي عملتي الحقن المجهري من غير ما تعالجي المشكلة اللي في الرحم
عملها ازالة للتكيس بالنظار تقريبا 1000 وشوية وبعدها مباشرة سافر السعودية قالها تابعيني بالتليفون او بالايميل بقينا نبعت له ايميل يقول خدي كذا وكذا وسبحان الله الشهر ده بعت له اقوله انها حامل الحمد لله
ملحوظة
اقسم بالله العظيم انا ما كذبت في كلمة من اللي لكتبتها ولا حتى بالغت
ربنا يرزق كل محروم
اقسم بالله ساعت ما شفنا في اختبار الحمل قعدت اصرخ واعيط من كنر المفاجأة وهيا يا حبيبة قلبي تقول انا عارفة اني هصحى اصلها حصلتلي كتير بتقول وهيا منهارة ربنا يفرح قلوبكم من سنين مفرحتش بجد غير يومها
ادعولها ربنا يثبت حملها ويتمه على خير بالله عليكم
أجمل وأرق بنوتة أجمل وأرق بنوتة 237317_1.gif فتكات متميزة Fatakat 237317 دمياط – مصر