فتوكاتي الحوامل القمرات المكعبرين هههههههههههههه وحشتوني
بصوا يا مزز انا ولله الحمد حكيت تجربتي فى الولاده الطبيعي والحمد لله كانت من اجمل اللحظات الى عيشتها ربنا يرزقكم بالولاده الى تتمنوها
النهرده هتكلم معاكم فى موضوع النضافه من تحت وخاصه للى بتتفتح وبتتخيط
انا ابني ماشاء الله كان وزنه فوق ال 4 كيلو وطبعا الدكتورة فتحتلى فتحه كبيرة قبل فتحه الشرج بسنه بسيطه عشان كتف ابني يعدي ولسه قايله الكلام ده لفتوكه هنا معانا الصراحه اول يوم يا سلاااااااام ولا الهوا مبتحسيش بوجع لكن الرخامه بتبتدي من تاني يوم
لالالالالالالازم تتشطفى 3 مرات بالغسول مهم اوووووووي وتنشفى بمناديل كويس وتدهني مرهم يطري الجرح فا يدبل الغرز وتقع ولالالالالازم تحافظي عالجفاف كويس اوى من تحت عشان متبقاش بيئه كويسه لاي بكتيريا او ميكروب لان فيه جرح
وبعد اول 10 ايام هتقعدي فى ميه بملح طبي ممنوع قبل كده هيحرقك جامد والالم هينقح عليكي طوووول اليوم وده بيدبل الجرح بسرعه خياليه الصراحه كان بيريحني كنت باخد الموبايل معايا وانا قاعده فى المغطس وبتابع الفيس بوك كنت بطوول لانه بيريحني اووووووووووووووووي هههههههههههههههه وجوزي يخبط عليا يقولى ما تيلا اقوله سبني استرخااااااااااااااء
وانشف كويس قووووي والبس فوطه قطن ومريحه وادهن برضه مرهم قبل الفوطه المرهم 3 مرات لان الدكاترة مش بيتكلمو اصلا ولا بيشرحو انا الصيدلى الى قالى بس مرهم ميبو كنت بحس بوجع دكتور صاحب بابا هو نسا قلى خدى مرهم فيه كورتيزون يااااااااااااااااااااه الله يكرمه صبح وليل ايه الراحه دي كانى دهنت بلسم عالجرح والحمد لله عدت على خير والغرز كلها فكت بعد 28 يوم
القصه بقى :
وحده اعرفها كويس قوووي ولدت بعد مني ب 4 شهور وحكتلها كل حاجه عن الولاده والاهتمام بالبيبي والرضاعه لدرجه اللبس اشترته بعد ماسالتنى لانها من النوع الى مش بياخد باله من حاجه وبيطنش ويكبر وكنت قيلالها تدهني صدرك قبل الولاده وطنشت جت تعيط من صدرها ومعرفتش ترضع اول 3 اسابيع وراحت للدكتورة وكتبتلها نفس المرهم الى قلتلها عليه سبحان الله يعني
نيجي بقى للخياطه من تحت عشان ولدت طبيعي وجابت ادهم ماشاء الله وقلتلتها النضافه ثم النضافه ثم النضافه وبررررررررضه طناااااااش واهمال تتشطف بغسول مره وحده بس وتدهن مره ومره لاء والملح ده انا والدكتورة كنا منبهين عليها جت على اليوم الى 21 واتصلت بيا تعييييييييييط وتقولى الحقيني انا بموت من تحت فيه زي صديد نازل كده ومش عارفه لا اقعد ولا اقف والغرز وجعانى مووووووت قلتلتها جري عالمستشفى وسابت ابنها عند جارتها وراحت الدكتورة قالتلها ايه ده كل دي مدة وصديد حرام عليكي وبقت تنضفها وتضغط عالجرح ينزل مده قالتلها استحاله لازم افتح الجرح واطهر كله اتلوث حرام عليكي ليه بتعملى فى نفسك كده وشرطتلها الجرح وطهرت وعقمت وصحبتي وخيطت وقالتلها لو سمحتى يا تتشطفى كويس يا اما انا مش مسؤوله دي نضافه مش حاجه وحشه وادتها كلمتين فى العضم دكتورتها عجوزه وعصبيه ههههههههههههههه تستاهل مهي الى بتطنش وادتها مضادات حيويه بالهبل وبرضه معرفتش ترضع ابنها شايفين وصلت لايه ؟
ورجعت يازيد كانك ماغزيت وبقت تجري تتشطف وتقعد فى ميه بملح ورجعت من اول وجديد اتخيطت وبعدها بشهر الغرز فكت
يابنات انا حبيت اقلكم الحكايه دي عشان مهم اووووووووي موضوع التشطيف ده لان فيه ستات بحسن نيه بتقول منا نضيفه وزي الفل اهو ايه الى هيجرى بس لا والله هي محستش بالكارثه غير بعد 21 يوم وكل ده الجرح بيلتهب فى صمت ربنا يعافيكم ولا تشوفوا اى شر ولا مرض ابدا
فيه حاجه كده حابه اقلكم عليها لو حسيتوا بيها فا عادي انا بعد 5 شهور مكان الخياطه واجعني كده فا رحت لدكتور فى مصر شافنى فا قلى عندك تليف فى الجلد متقلقيش ده من الخياطه وادانى مرهم ادهنه والحمد لله راح يعني معلومه كده عالسريع فا طبيعي متقلقوش
ويااااااااااارب يعين كل ست بتولد قيصري بصراحه الجرح متعب ربنا يقويهم بجد بطلات ماشاء الله
وقيموا بقى عشان القمرات يشوفوا الموضوع وميغسي لحسن استماعكم
Madam koko Madam koko 658931_9.gif سوبر فتكات Fatakat 658931 بلاد الفرنجة – السعوديه