مساء الخير على اجمل فتوكات
انا النهارده قعدت اعصر في دماغي واكتب الحاجات بقى الي هنحتجها لمطبخنا احنا اتكلمنا كتير عن الجهاز بس ما اتكلمناش بقى عن اساس المطبخ ( الاكل ) هو كمان بيتنسي وسط دوخة الجهاز والنقل وضفت فوقيهم كمان مستلزمات النظافه خدوا بالكم انا كاتبه حاجات اساسيات وحاجات خزين وحاجات كماليات فمش كل حاجه لازم تجبيها لكن هاتي ورق وقلم واكتبي الحاجات الي ناويه تجيبها ومحتجاها وانتي وخطيبك بتحبوها والكميات متروكه لتقديرك
يلا نبتدي
الالبــــــــــــــــــــــان
زبادي
حليب
لبن رايب
جبنة ( حسب الانواع الي بتحبوها )
اللحـــــــــوم
لحمه
فراخ
سمك
لحوم محفوظة (زي السوسيس واللانشون واللحمة المدخنة)
تونة
بيض
واساسيات المطبخ
مكرونه
رز
سكر
مستلزمات المعجنات
دقيق
خميرة
فانيليا
كريم ويب
بكينج بودر
مية ورد
الخضار والفاكهة
خضار منوع للسلطة( زي الخيار والفلفل والطماطم)
خضار منوع للطبيخ ( زي البسلة والكوسة والجزر)
وما ننساش اهم حاجتين طبعا البصل والتوم
مشــــروبات
طبعا فيه السخن وفيه الساقع
شاي
قهوة
كاكاو
نعناع
عصاير
مياه غازيه
شربات ( هتحتاجيه اكيد في اول كام يوم جواز لما الناس تبارك )
ممكن كمان الفراوله المجمده لما بيتعمل منها عصير بتبقى تحفه
التحالـــي بقـــى
حلاوة طحينية
مربى
عسل
جيلي
كاسترد
كريم كراميل
بودينج
بسكويت
شوكولاته للبونبونيره
وكمان اعملي حسابك في الي هتقدميه للناس الي هيجوا يباركوا لو هتقدمي بتي فور او جاتوه او اي حاجه حطاها في بالك
الزيـــوت
زيت قلي (زيت القلي بيكون مخصص للقلي بيقعد معاكي اكتر من لو حطيتي زيت عادي )
زيت تباع الشمس للطبيخ
زيت درة للسلطة
زيت زيتون
سمنة
زبدة
بقوليات وحبوب
فول
عدس اصفر او بجبه
فريك
لو بتحبوا التسالي ممكن فشار وترمس معاهم
منوعــــات
صلصة
مكعبات مرقة ماجي
طحينة
ملح وفلفل وكمون وبهارات
طرشي وزيتون
مكسرات
خل
مايونيز
كاتشب
اندومي ( ناويه اجيبها عشان اليوم الي اخد اجازة من الطبيخ هههههههههههه بتبقى حلوه اوي لو حطيتي عليها خضار بسله وجزر كانك طبخه مكرونه بالخضار )
ندخل بقى على مستلزمات النضافه من ناحية الادوات وكمان سوايل التنظيف وغيره
الادوات
مكسنة
جروف
زعافه
مساحة
وكمان نسيت اسمها الي بيكون فيها شراشيف للمسيح
فوط بقى منوعه للمطبخ وللتنضيف
منفضة التراب
جردل للمسيح واختاري الجردل الي فيه حته مخصصه للعصر هتوفر عليكي في التعب والمجهود
باسكت زبالة واحده كبيره للمطبخ وصغيرين لباقي الشقه بقى موزعين
سبت غسيل
دواسات
سلاكة البلاعة
فرشة للبلاط وفرشة للتواليت وفرشة للبانيو و الحوض
ليف خشن وناعم للصحون
اكياس زباله
جونتي تنضيف
مهم يا بنات تجيبوا كمامه ودي بتباع بجنيه في اي صيدلية بجد هتفيدك جدا انا سمعت كلام فظيع عن التراب الي بننفضه وانه ممكن يكون يكون فيه بكتريا ولما بننفضه بيطير في الجو وبنستنشقه وتسببلنا امراض ومشاكل تنفسيه فالكمامه مهمه وكمان تكون البلكونه او الشباك مفتوحين ويفضل لو تستخدمي فوطه مبلوله في مسح التراب بدل ما تطيره في الجو وتستنشقيه
سوايل التنظيف
صابون
شامبو
معجون سنان
كلينكس
منظف ارضيات
منظف صحون
منظف حمامات
منظف تواليت
مسحوق غسيل الملابس
مطهر
كلور
سائل منظف الزجاج
لو عندك خشب كتير ممكن تجيبي ملمع للخشب بيكون حلو اوي في التنضيف وبيدي لمعه حلوه للخشب
معطر
بخور
ملحوظة:ما تنسيش تكتبي الحاجات الي ناويه تقدميها للضيوف الي هيجوا يباركولك
ملحوظة تانية: لو هتسافري اسبوع عسل او 10 تيام فاعملي حسابك ما تجبيش حاجه ترجعي تلاقيها خربانه يعني مش تيجبي فاكهه وخضار ترجعي تلاقيهم تلفانين او هيتلفوا
ملحوظة تالته: لو في اكلات معينه ناويه تعمليها في اول كام يوم جواز ما تنسيش تعرفي وصفتها كويس وتجيبي كل مقاديرها عشان مش تيجي تعمليها تلاقي نفسك ناقصك حاجات
ودي كل حاجه يا بنويت يارب ما اكونش نسيت حاجه وبرحب باي اضافات ياريت لو نسيت حاجه تضيفوها
وربنا يوفقنا جميعا ويتمم جوزانا على خير
كيكايه كيكايه 329524_2.gif فتكات نشيطة Fatakat 329524 في بيتنا – في ايجيبت