السلام عليكم ورحمه الله وبركاته
تحياتي لكل الربعاويه واتمنى ان الكل يدعي لمصر بالخير ف الايام المفترجه دي
يارب لم شملنا ووحدنا على كلمه التوحيد
اشهد ان لا اله الا الله واشهد ان محمدا رسول الله
اتفضلو ده احلى فطاير بعجينه البيتزا واللحمه المعصجه يارب تعجبكم
نخلط نص ك دقيق +رشه ملح+2 م ص خميره+1 م ك سكر+1 ك زبادي+ربع فنجان زيت
ونعجنهم بشويه ميه لغايه ما العجينه تلم وتفك التلزيق من ايديك وتبقى كوره حلوه
هاتك ياعجن بقى
لغايه ما ايديك توجعك
غطيها بفوطه تقيله
شيليها ف مكان دافي لمه ساعتين
بعدين هاتيقها هاتلاقيها اضاعفت بالشكل ده
هاتهبطيها وتقسميها كورتين وبرضو تغطيها وتسيبيها ساعه
هاتلاقيها اضاعفت اكتر
هاتهبطيها وتقسميها 6 كور صغيره
وتغطيها وتسيبيها ساعه كمان او للوقت اللي هاتيجي تعمليها فيه
هاتلاقيها اضاعفت في الحجم اكتر واكتر
لما تيجي هاتعمليها
هاتي كوره وافرديها بالنشابه على رخامه مرشوشه دقيق سمك سم
وهاتي كوبايه وقطعي دواير زي كده
ونشد الدايره شويه عشان تبقى بيضويه وهي دي الكف وبعدين نعمل الصوابع ونلصقها ف الكف ونحط جوه الكف لحمه متعصجه مع طماطم وفلفل رومي ونتني الصباع الخامسعشان تبقى شعار رابعه الجميل
بالشكل ده
ونسيبها ترتاح شويه وندخلها فرن عاليمن فوق وتحت اقل من عشر دقايق
بس انا للاسف الشوايه بايظه فطلعت بيضه من فوق وما اتحمرتش بس كانت مستويه وتجنن
بالهنا والشفا
رابعه رمز الصمود
وكل نه وانتم طيبين
واي واحده مؤيده للانقلاب برضو مش هامشيكم زعلانين هاديكم حته ماتزعلوش
بالهنا والشفا احن كلنا اخوات
واختلاف ف الراي لا يفسد للود قضيه
كلنا موحدين بالله وكلنا مسلمين
وربنا يرينا الحق حقا ويهبنا اتباعه ويرينا الباطل باطلا ويرزقنا اجتنابه
نرجو الالتزام بأداب الحوار والرد على الموضوع فقط دون التطرق لاحادييث سياسية
الادارة
مواضيع هذا القسم برعاية
ام سموره العسل ام سموره العسل images/avatars/abstract3.gif فتكات غالية قوي Fatakat 271535 الغربيه – مصر