بسم الله والصلاة والسلام علي رسول الله وعلي آله وصحبه أفضل صلاة وافضل تسليما
"يأيها الذين آمنوا صلوا عليه وسلموا تسليما " وبعد
فكرت أكتب لكم عن خبراتي المعملية المطبخية الطويلة ايه رأيكم موافقون ههههههههههه قصدي موافقات؟؟
عارفة ان كل واحدة منكن ماشاء الله لا قوة الا بالله بنوته أو عروسة او ست بيت شطورة متميزة بالتأكيد بس مع الوقت الواحدة مننا بتزداد خبرة من كثرة التجارب
عارفين أنا ياما بوظت وحرقت طبخات وشيطت رز وعملت وصفات من افشل الوصفات اللي في الدنيا واترمت طبعا في المكان الطبيعي…. ووصفات تانيه تبت وحرمت اني افكر مجرد تفكير اعملها تاني وحاجات تانيه كررتها أكترمن مره عشان أوصل لأفضل طعم ممكن وولعت في المطبخ هههه مش قلت لكم معمل
فيه شوية تكات صغننه ممكن تفرق في الطعم يعني علي رأي الشيف حسن التكنيك يعني الطريقة
وفيه كمان اضافات صغيرة بتخلي الطبخة كده مميزة وممكن متصدقيش ان اضافه بسيطه هي اللي عملت الفرق ده
المهم أنا مستعدة ويكون لي الشرف اني أطلعكم عليها ممكن تكونوا عارفينها لكن فيه ناس تانيه وستات ممكن تكون جديدة بالنسبة لهم واهو كده نكون افدناهم
ومش أنا بس اللي هقول
كمان كل واحدة فيكم عندها حاجة متميزة كده تقولها لنا وهندعي لها من قلوبنا وجزاها الله خير
اذا عجبتكم الفكرة يلا نبدأ
واللي عايزة تعرف طريقة حاجة مش عارفها تتفضل تسأل وان شاء الله ما يكون خاطرها الا طيب
بس مش هبتدي الا لما أعرف رأيكم والا أسك ع الموضوع وألم خلجاتي واروح
بس لوعجبتكم الفكره والتكات أرجوكم تدعوا لأمي الحبيبة بالرحمة والمغفرة هي وجميع أمواتنا وأموات المسلمين مواضيع هذا القسم برعاية
أصيلة وبنت ناس أوي أصيلة وبنت ناس أوي 254207_7.gif فتكات هايلة Fatakat 254207 يمكن جنب القمر – كوكب مجهول