سلام عليكم يافتوكات ياحلوين حبيت افيدكم بخبرتي في موضوع السجاير لاني من أشد الناس عداوة للتدخين بكل أنواعه
فيه دوا نزل بقالو حوالي 3 سنين من شركة فايزر اسمه (شامبكس) وموجود في صيدليات العزبي ما شاء الله لاقوة الا بالله كل اللي جربه نفع معاه جدااااا وكره السجاير خاااالص وبطلها ،الدوا ده ما شاء الله عامل زي السحر ناس كتير اعرفهم بطلوا السجاير بعد ما جربوا كل حاجة زي لصقات النيكوتين ولبان النيكوتين هو غالي حبتين بس ما يجيش حاجة في الفلوس اللي بيدفعوها على السجاير لمدة سنة واحدة
هو الدوا ده كورس بيتاخد لمدة 3 شهور متواصلة ولازم قبل ما الشخص ياخده يبقى عنده رغبة انه عايز يبطل السجاير ويبقى عازم على انه ميرجعلهاش تاني الدوا كله ب 1600 جنيه وزي ما قلت بيتاخد لمدة 3 شهور متواصلة بدون ما يفوت يوم ومالوش أي تأثير على أمراض تانية غير انه خطر على الناس اللي عندهم أمراض كلى أو كبد بس اي حد تاني مسمحوله ياخده
اه قبل ما انسى الدوا ده اول ما يتاخد مش لازم يبطل السجاير على طول،لأ يبتدى ياخد الدوا عادي لمدة 8 ايام ومن اليوم 8 لليوم 14 يحدد يوم يبطل فيه تماما التدخين في الفترة من 8 ل 14 وصدقوني من خامس أو سادس يوم بتبتدي البشاير تبانوبتلاقيه ابتدى يقلل من عدد السجاير اللي بياخدها في اليوم يعني اللي بيشرب باكتين او باكيت ونص حتلاقيه من اليوم السادس بيشرب باكيت او اقل وشوية شوية بالتدريج حتلاقيه كرهها خاااالص على اليوم 11 او 12، وحيحس كل ما يشرب سيجارة اني السيجارة ب 10 سيجارات كأن في دخاااان كتيييير في صدره ومش حيحب طعمها وحيحس انه بتتعبه مش بتمتعه والسبب في ده ان الدوا بيعمل حاجز بين النيكوتين ووصوله للمخ فالواحد يجي يشرب من هنا ميحسش بأي متعة وفي نفس الوقت الدوا بيدى اشارات للمخ انه اكتفى نيكوتين فبالتالي المدخن بيبقى مرضي ومش مبيحس انه نفسه يشرب سجاير.بس هو اعراضه الجانبية البايخة انه بيجيب صداع واحيانا غثيان بس عادي يكمل ومفيش اي حاجة.جربوا وتبقوا تدعولي بس أهم حااااجة لازم جوزك يبقى عارف انه حياخده يعني متحطهوش في الشاي ولا العصير لانه كده كده لازم يعرف علشان هو بيحدد يوم يبطل فيه نهائي زي ما قلتلكم.دعواتكم بقه
https://files2.fatakat.com/2016/12/12936095296979.jpg
yasmeena1983 yasmeena1983 فتكات حبوبة Fatakat 367505 القاهرة – مصر
سبحان الله و بحمده
