على الرغم من سمعتها السيئة عند كتير من الناس، بسبب كثرة الكلام عن أضرارها وأنها تسبب ارتفاع ضغط الدم وسوء هضم وأرق وتوتر بسبب تأثيرها على نظام النوم والاستيقاظ، إلا إن كل الدراسات والأبحاث اللي اتعملت عن القهوة، أكدت إن الأضرار دي بتحصل عند تناول كميات كبيرة من القهوة والكافيين بشكل عام.
وأكدت معظم الدراسات على ضرورة تناول فنجان أو اتنين من القهوة بشكل يومي؛ للحصول على فوائدها الكثيرة؛ واللي منها زيادة التركيز، وتحسين الحالة المزاجية، وتقليل نسبة تكوّن الحصوات في المرارة اللي بتتعرّض له النساء بشكل أكبر من الرجال.
القهوة كمان بتساعد على التخلّص من السيلوليت؛ علشان كده بنلاقي إن نسبة كبيرة من مستحضرات التجميل اللي بتستخدم لعلاج السيلوليت بتحتوي على الكافيين؛ لأنه بيساعد على تفتيت الخلايا الدهنية.
وفي إطار البحث الدائم عن فوائد القهوة، أكدت آخر دراسة إن تناول كوب واحد كل صباح بشكل يومي يعتبر أحد الخطوط الدفاعية للوقاية من سرطان الجلد، حسب ما جاء في وكالة أنباء الشرق الأوسط.
وقال الباحثون إن النظام الغذائي اللي بيحتوي على كمية معقولة من مادة الكافيين يعمل على منع تكوّن الخلايا السرطانية الخاصة بسرطان الجلد.
vatika vatika 148788_52.gif فتكات غالية قوي Fatakat 148788 cairo – Egypt