اولا باعتذرعن الصور لانى حاسة انها ممكن تكون مش لطيفة قوى
بس علشان التوضيح بس
عرايس فتكات الحلوين اللى لسه فى سنة اولى مطبخ
طبعا كلنا فى اول الجواز بنحتاس فى تنظيف الطيور
او الدجاج بمعنى اصح
انا حبيت اقولكم على طريقتى فى التنظيف يمكن تفيد اى واحدة منكم
ونفس الطريقة مع كل الطيور
الاساسيات ازالة الريش الزائد على الجلد الخارجى (حتى لو بالملقاط) ازالة الدهون الزائدة والراس طبعا بجزء من الرقبة (مكان الذبح) قطع الجزء الاول من الاجنحة (لانها مكان حقن الطيور بالهرمونات) وقطع القطعة الخلفية للدجاجة (مكان الاخراج) انا فى الغالب باشيل الجلد كله لانه مضر طبعا وكده كده مش بيتاكل باسيبه بس لما اكون هاحشيها
تعالوا مع بعض نشوف الصور
يععععععععععع
ده شكل الرقبة قبل التنظيف
فى حاجات كتير بتبقى حول الرقبة
لازم تتشال كلها لغاية ما يبقى فاضية خالص
وخدى بالك ان الجزء اللى بيبقى فيه الاكل (الحوصالة) بتبقى لازقة جدا فى جلد الرقبة
لازم تشيليها (دققى كويس هتلاقيها)
وده بعد (ممكن تشيلى كل الدهون)
بس انا باسيب جزء علشان الشوربة تبقى حلوة
وده باطن الدجاجة من جوه(بعد التنظيف)
لازم تفضيه خالص فى حاجة كده بتبقى بين عظم الفخد
شبه الكبدة …برضه لازم تتشال
وزى ما انتوا شايفين الدجاجة نظيفة
وعند الرقبة مفتوحة ومنورة ..يعنى مفيش اى حاجة فى الطريق
على فكرة
انا شيلت الدهون دى بس بعد التصوير وانا باغسلها
معلومة مهمة جدا
خدى بالك بين لحم الفخد والجلد هتلاقي حاجة كده بتزحلق (دى صورتها)
معلش الصورة صعبة ..بس الاصعب اننا ناكل القرف ده
دى صورة القوانص قبل التنظيف(يععععععععع)
ودى بقى بعد(خست النص يا عينى)
شيلى كل الدهون اللى عليها
وتقطعى الجزء اللى بيبقى محبب شوية ده
ولازم تكحتى باطن القوانص بالسكينة
زى ما تكونى بتنظفى السجق كده
شوفى ايه اللى هيطلع
وكمان القلب لازم تفتحيه من جوه وتشيلى كتل الدم اللى جواه
وتقطعى كمان الشرايين اللى طالعة منه
وفى الاخر بعد التنظيف
تنقعى الدجاجة فى ملح وخل
وبعدين فلفل اسود مجروش وليمون
هيقضوا على الريحة خالص
وكده بقت زى الفل
تقفلى الفخد وتتصفى وتشيليها
وبالف هنا
ولو عايزة تقطعيها
تيجى عند العمود الفقرى من الظهر
وبداية من عند الرقبة وتنزلى بالسكينة
وبرضه من عند الرقبة تقطعى من النص
وتاخدى كل نص لوحده وتقسميه نصين (سهل جدا)
بس انا سبتها نصين بس
اتمنى يكون الموضوع عجبكم
بجد انا تعبت فيه جدا
لان انا اللى كنت باصور
تخيلوا بقى غسلت ايدى بس كام مرة
علشان اصور
هههههههههه
مواضيع هذا القسم برعاية
♣♣ jollya w bas ♣♣ ♣♣ jollya w bas ♣♣ 104679_27.gif ملكة فتكات Fatakat 104679 فى ارض الله الواسعة – مصر التى فى خاطرى