ازيكم يااحلى فتوكااااااااااات
انا النهاردة اتغديت لحمة مسلوقة وفاصوليا خضرا ورز بالشعرية وقولت اصور واعمل بيه موضوع ممكن افيد بيه فتوكة
اول حاجة حطيت نص حلة مية على النار وعلى ما تغلى غسلت اللحمة بتاعتى كويس اول مالقيت المية بتغلى نزلت باللحمة على طول وياسلام بقا لو فيها حتة عضمة بتخلى الشوربة جناااااان
قطعت بصلة بالشكل دا وحطيتها مع اللحمة وبعد ما خلصت الريم بتاعها واربت الغطا حوالى ربع ساعة وبعدين حطيت الملح والفلفل والحبهان والمستكة وكتمت عليها غطا الحلة لحد ما استوت
نيجى بقا للفاصوليا
جبت حتة لحمة وقطعتها مكعبات وقطعت الفاصوليا وغسلتها وقطعت بصلة متوسطة وفرمت توم على حسب حبك للتوم وقسمته نصين
حطيت البصل وعليه رشة فلفل اسود على النار وقلبتها بالفلفل دقيقة وبعدين حطيت الزيت ونص التوم واول ما تصفر نزلت باللحمة ورشة فلفل اسود شوحتها وبعدين نزلت بالفاصوليا وحطيت الكمون والملح وعصير الطماطم واول ما اتسبكت حطيتلها نص التوم التانى وزودتها مية وغطيتها لحد ماتستوى
ودا بقا الشكل النهائى للاكل يارب يعجبكم
فى امان الله ياقمرااااات
مواضيع هذا القسم برعاية
ملاكى الصغير2016 ملاكى الصغير2016 554144_3.gif فتكات رائعة Fatakat 554144 ادكو – ام الدنيا