بســـــــــــــــــــم الله الرحمـــــــــــــــــــــن الرحيـــــــــــــــــــــــــــم
باذن الله النهاردة مع بعض حيباتى هنشوف طريقة لذيذة لو عندك لحمة مسلوقة وبايتة او لو حتى فى الخضار وكمان لو فراخ سلقتيها واخدتى جزء والباقى سيبتيه فى الفريزر يعنى ,باذن الله الطريقة دى مش هتحسى ان اللحمة دى بايته وهتغيرى فى طعمها ويلا بينا نشوف مع بعض
ده شكل طبق اللحمة النهائى
وده شكل طبق الفراخ النهائى
وياريت ماتنسوش تتدعولى ربنا يسهل عليا الحال يارب و يبقى جزاكن الله خيرا حبيباتى
يلا بينا ندخل المطبخ مع بعض ونقول بســـــــــــــــم الله
لحمة مسلوقة او كانت فى خضار
عصير طماطم
بصل – بطاطس – فلفل
ملح – ورق لورا – حبهان – عود قرفة – بهارات – نص معلقة صغيرة سكر
فى طاسة هنحط معلقة سمنة و لما تسخن نحط البصل
بعدين هنحط الفلفل و البهارات بتاعتنا ونقلب لحد مانشم ريحتهم (وهناخد منهم شوية على جنب)
هنحط اللحمة بتاعتنا تفك على النار وتاخد غلوة واحده فقط (لو حسيتها محتاجة شقشاق مياه زودى)
فى صنية فرن هناخد الشوية الخليط الموضوح فى الصورة ونفرشة فى الصنية
بعد كده نرص البطاطس ونحط اللحمة بالمياه اللى غليت فيها بكل حاجة عليها فى الصنية وندخلها فرن سخن جدا يادوب تشرب السوايل بتاعتها ويتحمر وشها
وتقدم
لو عجبك الموضوع ياريت تتدعيلى دعوة حلوة من قلبك(يارب يسهل عليا الحال ) وماتنسيش التقييم فى ايديك الحلوين
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة