السلام عليكم ورحمه الله وبركاته
بسم الله الرحمن الرحيم
والصلاه والسلام على خاتم الانبياء واشرف المرسلين سيدنا محمد عليه افضل الصلوات واتم التسليم
وحشتونى ياقمرات ووحشنى ارغى معاكم ههههههه نورتونى مقدما
انا دخلت اعمل تعديل علشان اللى قيمت سىء عايزة اقولها ابقى خليه ينفعك قدام ربنا عز وجل وتقيمك لاهيزودنى ولاهينقصنى واللى بعمله فعلا لوجه الله ولاخواتى هنا ف المدونة
انهارده معايا طبقين الاولانى لازانيا بطريقه جديده ومختلفه ولذيذذذذذذذذذذذة جدااااااا مفيش اتنين اختلفوا عليها
لازانيا محشيه كــفته بالبرغل والكفته محشيه جبنه شيدر على موازريلا شوفتوا الطعامه ومعاها سلطه
تبــوله بجد الطعم بروفشنال ياخد العقل غرامى الاكلتين دول هسيبكم مع الصور وبعد كده هنحكى وهنرغى تماموز يلا ههههههههه
ودى كمان بصوا الجبنه سايحه ملهاش حل ولا وصف غير انها تتاكــــــــــل ههههههه
وكمان
ودى حبيبت قلبى
المقادير حبيباتى
ولو ان انا بحب اقول مكونات والمقادير بعينك كده تقدرى تحدديها
انا استخدمت فيها شرايح الازانيا والجبنه الريكوتا والقشقوان فى منها بالحراق وف منها عادى وشيدر وبستخدم كمان البديل بديلهم اييه الجبنه الرومى بس الجديدة والشيدر او الموازريلا او الاتنين بتدى مكس مفيش كلام ممكن يتوصف بيه يعنى الجبن المتاحة واستخدمت اللحمه وربع كوبايه برغل وم 2قشطه وبصله كبيرة و4طماطم و2م صلصه
دى اللحمه بالبرغل ….جبت 3قطع لحمه وكنت ناقعه برغل وبعد لما نفش عصرته وفرمت اللحمه اول مرة مع البصل ورجعت فرمت البرغل مع اللحمه فى الدور التانى كمان بالنسبه للتوابل تحطى الملح بس مش كتير لكن تحطى حاجه لا تذكر من توابل اللحمه والقرفه علشان متممرش طعم اللحمه وتحسى بطعم الجبن وباقى المكونات
بصى عايزة الكفته بالبرغل متفكش منك بعد لما تخلصى طحنها خالص حطيلها رشه ميه بايدك كده بحيث تكون سنننننننه سايبه وقلبيها تانى بحيث تكون زى كده ولو هتقليها بتموت فى الزيت الغزير والسخن ولو هتعمليها فى الفرن برضه تسخنى الفرن قوووووووووى وبعد كده بجيب حته واكورها وافتحها وبحته جبنه شيدر احطها فى قلبها واقفلها
بالشكل دة وارصها ف صينيه انا مش بدهنها حاجه بسيبها تستوى على ميتها بس تكونى مسخنه الفرن جااااامد جدا علشان متشققش بتكون اخف من المقليه استوت من تحت افتحى عليها الشوايه وتابعيها يدوب ترمى لون وطلعيها علشان متنشفش بتجلد خدى بالك لاءعايزنها طريه
هنا خلطت الجبن مع ربع ربطه بقدونس بيديها طعم وهمى وربع كوبايه لبن
هنا عملت الصلصله عبارة عن صلصه التوم العاديه تشقرى فصين تلاته توم وعليها الطماطم والصلصه بس تكترى شويه لانها هتكون منها البطانه والتقفيله هههههههههههه وجزء منها هيتقلب مع الجبن وبعد لما تتسبك شويه او لما الصلصه تمسك حطى كوبايه الاربع ميه ل كوبايه كامله عليها وغلوتين واطفى علشان السوائل دى هيه اللى هتستوى فيها الازانيا وبفضل الله بتطلع مذبدة ولذيذة ماشاء الله واحلى من اللى بتتسلق لانى مجربه الطرقتين وبعد كده تحطى معلقتين قشطه وممكن تستغنى عنها بس رائعه جداااااااااااااا جدااااااااااااااااااااااا وبيميز طعمها بشكل مش عادى
هنا حطيت شويه من الصلصه اللى بالقشطه على الجبن اللى خلطها على بعضها بس هتخلى شويه من الصلصه زى ماهيه لان هناخد من الصلصه دى هنبطن بيها الصينيه من تحت
هنا فاكرين جزء الصلصه اللى قولتلك خليه زى ماهوة من غير جبنه حطيته ارضيه للصينيه وبحط اول صف من الازنيا عليها وبرجع احط الكفته ع الازانيا واحط طبقه من الجبنه اللى خلطها بالصلصه والقشطه على الكفته زى كدة وكملت بعد كدة لاخر الصينيه والله قمه فى الجمال والطعم وتجنن بجددددد وكمان لوعايزة تحطى طبقه جبنه تحت الكفته براحتك
واحط اخر طبقه من الازانيا على الوش
وارجع احط باقى الجبنه المخلوطه بالصلصه على طبقه الازنيا وحطيت على الوش جبنه موزاريلا على شيدر وعلى الفرن
التبوله
التبوله بنقعلها برغل ابيض ناعم ربع كوبايه ربع ربطه نعناع وربع ربطه بقدونس وزيها كسبرة وبصل و1طماطم بس لان هيا اعتمادها على الخضرة اكتر حاجه و3 ليمونات وملح ورشه سماق وزيت زيتون….بنقع الخضرة فى خل وميه الاول لازم 10 دقايق وبعدين اغسلها واخليها تصفى ميتها كويس واقطعهم صغير خالص واخلى الطماطم اخر حاجه اخليها على التقديم بعد لما اقطع كل دة اقلبهم كويس واعصر عليهم ليمون و2م كبار زيت زيتون والسماق والملح رائعه رائئئئئئئئئئئئئئئعه جداااااااااااااااااا
عايزة اقول حاجه الطماطم بتشيلى الراس من فوق بتقورى حواليه بالسكينه وتشيليه وكمان بتشيلى قلبها كده من جوة الاول علشان متبقاش التبوله كلها ميه من تحت وتقطعيها حتت صغير وخليها اخر حاجه على التقديم
وادى طبق لعيونكم مين عايز ياكل هههههههههه يارب يكون الاكل عجبكم
استودعكم الله ياقمراتى وياريت ردودكم الحلوة اللى بستناها
والتقـــــــــــــــــــــــــــــــــــــــــــــ ـيم فين متوجعوش قـــــــلبى مواضيع هذا القسم برعاية
كوين ام ام كوين ام ام 780607_14.gif سوبر فتكات Fatakat 780607 ……… – ………