السلام عليكم
طبعا كلكو تابعتو المسابقة حامية الوطيس بتاعت اكلة على الهوا
وبالمناسبة ميرسي لسندريللا المنظمة السكر اللى انا شخصيا تعبتها معايا
وميرسي للبطلة الفايزةصابونة الجميلة والف مبروك
وللاستاذة الكبيرة السرطانة والعقرب
وللقمر ملكة النيل
بشكرهم كلهم على المنافسة الشريفة والروح الرائعةاللى كانت بينا
وبناء على طلب اكتر من عضوة من حبايبي انا هنزلكو الطبق بتاعى بالمقادير والتفاصيل
المقادير
3 صدور فراخ مخلية ومقطعة مكعبات صغيرة
2 حبة فلف رومى مقطعة مكعبات
بصلة وسط مقطعة
2او3 فصوص توم مفروم
ملج وفلفل اسود وقرفة
نص كوب كريمة لبانى
شرايح لازانيا
جبنة موزاريللا
الصوص الابيض (البشاميل)
كوب لبن
معلقةدقيق
معلقة زبدة
بيضة
ملح وفلفل اسود ورشة جوزة الطيب
الصوص الاحمر
طماطم فريش حوالى ربع كيلو
معلقتين صلصة طماطم
ملح وفلفل اسود ريحان جاف اونعناع واوريجانو (زعتر بري)
معلقة توم مفروم
بنحضر الحشو باننا نشوح البصل والتوم دقيقة بس لحد ما يدبل
ونحط الفلف الرومى والمشزوم ونقلب دقيقتين
وبعدين الفراخ ونقلب ونحط الملح والفلفل والقرفة ونقلب
وبعدين نحط الكريمة ونوطى النار عشر دقايق لحد ما الخليط يتقل
وبعدين الصلصة
بنشوح التوم ونضيف عصير الطماطم
والتوابل
والصلصة ونقلب ونسيبها تتسبك
والبشاميل نقلب الدقيق مع الزبدة
ونضيف اللبن ونقلب باستورار لحد ما يتقل ونتبله
ونسيبه يبرد شوية وبعدين نضيف البيضة
وطبعا نسلق اللزانيا
نحشي اللزانيا ونلفها زى الصورة كده
ونرصها بالشكل ده
نحط البشاميل على الوش والجبنة الموزاريللا وممكن رومى او شيدر
وادى الشكل النهائى
وبالهنا والشفا
مواضيع هذا القسم برعاية
whitebird_rh whitebird_rh 69582_4.gif سوبر فتكات Fatakat 69582 القاهرة الجديدة – مصر