السلام عليكم ورحمة الله وبركاته
ازيكم يا فتوكاتي الحلوين املين ايه؟ يا رب تكونوا بخير
انا اول مرة انزل موضوع ليا في قسم الأكل بس اللي خلني اعمل كدا اني استفدت منكن كتير اوووووووووووووي فقلت افيد غيري بردوه
المهم امبارح قلت اعمل حاجه حلوه ففكرت اعمل كيك الكريم كراميل وعملتها فعلا لأول مرة وعجبت جوزي جدا
لو كنت هعرف اني هنزل لكن الموضوع كنت صورت الخطوات بس والله مكنتش ناوية انزل موضوع
انا هدخل في المفيد متقوليش عليا اني راغية ومتزوقيش كدا هبدأ اهو
المقادير
مقادير الكريم كراميل
5 بيضة
1/2 لتر لبن
125 جم سكر
ملعقة فانليا
طريقة عمل الكريم كراميل
نسخن اللبن تسخينه خفيفة كدا ونضرب البيض مع الفانليا والسكر بالمضرب وبعدين نضيفهم للبن ونضربهم مع بعض
مقادير الكيك
3 بيضة
1/3 كوب سكر
ملعقة فانيليا / ملعقة بيكنج بودر
3/4 كوب دقيق
الطريقة
نضرب البيض مع الفانليا والسكر بالمضرب جيدا ثم نضيف لهم الدقيق والبيكنج بودر
بصوا بقى يا حبايبي طبعا اول حاجه نحضر صنية ونعمل الكراميل اكيد كلن عارفين بنعمله ازاي
كوب سكر ونحط له ملعقتين مياه وعلى النار لحد لما يبقى لونه ذهبي كدا بس متسبهوش يتحرق علشان ميمررش
نحط الكراميل في قاع الصنية ونوزعه كويس انا عملت في بيركس على فكرة
وبعدين نحط مقدار الكيك اللي احنا حضرناه في الصنية
وبعدين يا حلوين نجيب مقدار الكريم كراميل وهنحط بس من على جنب نفضل نحطه براحه
وبعدين ندخل الصنية الفرن في درجة حرارة 180 في حمام ماء
وبالهنا والشفا وهنزل لكم الشكل النهائي اللي الحمد لله صورته 
على فكرة انا عملتها على طريق الشيف يسري
واللينك اهو https://www.youtube.com/watch?feature…&v=TF-SHYzPRxg
يا جماعة لو الوصفة عجبتكم يا ريت تقييم علشان تشجعوني لو عملت حاجه تاني انزلها مواضيع هذا القسم برعاية
أم أنس حبيبي قلب مامته أم أنس حبيبي قلب مامته فتكات رائعة Fatakat 360269 الرياض – المملكة العربية السعودية