ازيكم يا فتوكات
النهاردة جبت لكم وصفة سهلة ولذيذة جدا
كيكة البرتقال بصوص البرتقال
وده شكلها
الكيكة من مقادير الشيف محمد فوزى بس انا زودت لها الصوص وكان تحفة من حيث الريحة والطعم
2 كوب دقيق
كوب سكر
كوب عصير يرتقال
4/3 كوب سمنة او زيت
3 م.بشر برتقال
3 بيضات
م.ك بيكنج بودر
رشة ملح
فى الخلاط نحط البيض والسكر وشوية من بشر البرتقال ونضرب لغاية ما يبيض ويعلى
بنضيف الزيت ونضرب تانى
بنضيف عصير البرتقال الفريش ونضرب تانى
هنا كل المكونات الجافة دقيق وبيكنج بودر ورشة الملح وبقية بشر البرتقال
بشر البرتقال لما باضيفه للدقيق بيدى لى ريحة حلوة اوى
ننزل خليط السوائل من الخلاط
ونحط عليه الدقيق شوية بشوية
نصبها فى قالب مدهون ومرشوش بدقيق
تدخل الفرن ويكون سخن على 180
وبتاخد حوالى 30 دقيقة او اكتر حسب فرنك
هنا لما خرجت من الفرن
اسيبها تبرد واجهز الصوص
تابعونى المشاركة الجاية اجهز الصوص واقطع الكيكة
مواضيع هذا القسم برعاية
فتاة المهمات الصعبة فتاة المهمات الصعبة 190913_14.gif Fatakat 190913 الرياض – السعودية