السلام عليكم
ازيكوا يا جماعه عاملين ايه؟
يا رب تكونوا كويسين وبخير
أنا النهارده جايبالكم طريقه تخليل الزيتون الاخضر وتحويله الى أسمر
وطبعا كلكم هتقولوا ف بالكم وهتسألوا نفسكم سؤال حلزونى وتقولوا عليا وهى واجعه دماغها على ايه متجيب الزيتون أسمر وخلاص هههههههههههههه
أنا مش هخلى فى نفسكم حاجه وهجاوبكم وهقولكم ليه الزيتون الأخضر أحلى؟ لأن الأسمر لما بيتحدق بيتهرى كدا ومش بيبقى حلو
نيجى للمهم بقى
المكونات:
زيتون أخضر
ملح
بيكربونات الصوديوم
زيت زيتون
خل
الخطوات:
1- هنجيب الزيتون الأخضر
2- هتجيبى شوكه وتبدأى تغزغزى الزيتون كله ومش غزغوزه واحده هههههههههه ودى صور توضح أكتر
وهنا سؤال يطرح نفسه ههههههههباضحك اللى مش هتقيم ممتاااااااااااااااز هعمل فيها ايه؟
أكيد هغزغزهابالشوكه نفسها بتاعت الزيتون هههههههههههه
شريره أنا صح
3-بعد ما نغزغز الزيتون كله هنجيب الملح والكربوناتو (هى اللى بتسود الزيتزن طبعا)
ده الملح وده الكربوناتو طبعا الاتنين لونهم أبيض
4-هنقلبهم على الزيتون ونفضل نقلب فيهم شويه حلويييين كدا
5-هنسيبهم بقى 10 أيام من غير ميه ولا حاجه بالملح والكربوناتو بس وكل يوم تقلبيه شويه وهتلاقيه كل يوم بيسود يوم عن يوم
6-بعد 10 ايام هيكون بقى لونه أسود خالص هتجيبى ميه وتحطيها على النار وتسلقيه فى الميه شويه
وبعد كدا تصفيه من الميه دى وتحطيه فى البرطمان بتاعه وتحطى ميه جديده وكمان شويه ملح مش كتير عشان انتى كنتى حطه قبل كدا عشان مش يبقى حادق أوى
وتحطى خل كمان وزيت زيتون
وكدا أنا خلصت
وبالهنا والشفا يا قمامير ابتسامة
وده الشكل النهائى ليه
أنا تعبت أوى فى رفع الصور يا رب الموضوع يعجبكم وتقيمولى ممتااااااااااااااز
بآآآآآآآآآآي مواضيع هذا القسم برعاية
fati2015 fati2015 1169096_3.gif ممنوعة من المشاركة Fatakat 1169096 الرباط – maroc