انا كان نفسي في كوسة بالبشاميل اوي وبما اني عاملة ريجيم محبتش احرم نفسي من حاجه
فعملتها دايت وكانت تحففففففففففففففففففة وان شاء الله هعملها كده على طول حتى لو مش بعمل دايت
بسم الله نبدا
المقادير
كوسة
لحمة مفرومة
حبة طماطم وحبة فلفل رومي و2 بصل بس نسيت اصوره وقرن فلفل احمر للي بيحب الشطة
وفي حلة نقطع البصل والفلفل والطماطم
ونحط عليهم اللحمة المفرومة وشوية فلفل اسود ونقلبهم سوا
ونحطهم على النار ونظبط الملح بتاعهم مع معلقتين ميه ونسيبهم يستووا من غير ولا نقطة زيت ولا سمنة ولا اي حاجه هي اللحمة هتنزل ميتها وهتستوي
نسيبها لغاية ما تستوي نص سوا كده ونطفي عليها وهو ده شكلها بعد ما استوت
ودي الكوسة بعد ما نضفتها وقطعتها حلقت
نجيب صينية تيفال ونرص فيها اول طبقة من الكوسة بالشكل ده
وبعدين نحط عليها اللحمة المفرومة
واجيب كوباية مية وادوب فيها معلقتين صلصة صغيرين وشوية ملح واحطها على الكوسة وارفعها على النار علشان الكوسة تستوي
ونعمل البشاميل انا بعمله بلبن خالي الدسم ومعلقتين دقيق اضربهم مع بعض واحطهم على النار من غير ولا زيت ولا سمنة وافضل اقلب فيهم لغاية ما يتقلوا
واظبط الملح وبس كده
وهنا لما استوى اهه زي البشاميل العادي بالظبط بس من غير دهون
ونحط الموزاريلا الاول على الكوسة وبعدين نصب فوقيها البشاميل وهيلا هوب على الفرن
وده شكلها بعد ما طلعت من الفرن
وقدمتها مع رز بالشعرية وسلطة بس كده
ها قولولي ايه رأيكم ؟؟؟؟؟؟؟؟؟؟ مواضيع هذا القسم برعاية
OverSeas OverSeas فتكات هايلة Fatakat 586014 القاهرة – مصر