السلام عليكم ورحمه الله وبركاته ازيكم يافتوكات ياقمرات انا على قد ما بقدر بحاول اجدد فى الاكل فجربت وعملت اكله جديده اللى هيا ايه بقا تعالو نشوف …… انا عملت رز مفلفل طبعا الكميات هنا بمزاجك وبعد ما خلصت الرز سبتو يهدا شويه بس مش يبرد خالص عشان مش يفك منك وانتى بتعملى الكور وهو على النار كنت طبعا مجهزه الخضار اللى هيتحشى بيه وهو شويه زيت وتقطعى بصل مكعبات وعليه جزر وفاصوليا وفلفل لحد ما الخضار يدبل شويه وتحطى عليهم شويه ميه عشان تتأكدى ان كل الخضار استوى وقبل ماتطفى عليه بشويه بسيطه تضربى فلفل مع توم وكسبره ناشفه وتحطيهم على الخضار وتظبطى الملح والتوابل وطبعا تسيبيه يهدا عشان مش يحرق ايدك وانتى بتعملى الكور نبتدى بقا نحشييهم نجيب الرز وناخد شويه فى كف الايد ونفرشهم ونحط فى النص شويه خضار ونقفل عليهم كأننا بنعمل كٌبيبه ونتاكد انها قفلت على الخضار كويس بعد كده نكون مسخنين الزيت ويكون جنبنا بقسماط ناعم ونمشى عليه الكور ده زياده تاكيد عشان نتأكد ان الكور مش تفك مننا واحنا بنحمرها وطبعا تطلعيها على مناديل عشان لو فيها زيت مش تبوظ طعمها وعشان صحتنا برضو اتمنى اكون عرفت اوصلها ليكم وإن شاءالله كل اما اجرب حاجه اقدر اكتبها ليكم بس بجربها فى اللى عندى الاول ههههههه يلا اتمنى يعجبكم وياريت التقيييم مواضيع هذا القسم برعاية
أم مريم أيمن أم مريم أيمن 423936_1.gif فتكات رائعة Fatakat 423936 raas gharib – egypt
سبحان الله و بحمده