السلام عليكم يا بنات
انا حبيت اكتب الموضوع ده عشان مفيش واحدة تحتار زيى
خاصة الجداد فى المطبخ
انا على طول كنت باسمع ان البابريكا بتاعة الأجانب هى الفلفل القرنقوطى عندنا فى مصر
وانا فى مرة كنت جايبة فلفل قرنقوطى بودرة من العطار
عشان بلون الفراخ المندى بيه
وطبعاً لما بسويها بتنزل لون ع الرز وبيبقى الرز فيه حبات احمر
لما خلص من عندى الفلفل القرنقوطى لقيت فى سوبر ماركت توابل فى اكياس
دورت ع الفلفل لقيت البابريكا فجبتها على اساس انها المسمى الغربى للقرنقوطى
المهم دهنت بيها الفراخ ولا اى لون لزق فيها ولا نزل فى الرز
قلت لأ خلينى ع العطارين اللى فى المنطقة
رحت اقول لواحد منهم عندك فلفل قرنقوطى قاللى الفابريكا يعنى ؟ قصده البابريكا
قلتله اه فاداهانى
دهنت بيها ولا حياة لمن تنادى
كررت السؤال عند اتنين تانيين ويدونى نفس الشئ ومش راضى يلون
بصراحة اتعقدت وقررت انى مش هسأل تانى
المهم رحت للراجل اللى جبت منه قبل كدة اللى كانت بتلون كنت باشترى منه حاجة فقلت اسأله وخلاص
فسألته عندك فلفل قرنقوطى او البابريكا يعنى
قاللى حددى طلبك انا عندى الاتنين
فقلت بس خلاص كدة اخيراً لقيت طلبى
طبعاً اخدت الفلفل القرنقوطى مش البابريكا واخيراً الفراخ رجعت تتلون من تانى وكمان الرز
فحبيت اقولكم ع الموضوع ده عشان لو فيه غيرى كانوا فاكرين ان الاتنين واحد
يعرفوا ان الفلفل القرنقوطى مش هو البابريكا
وان البابريكا مش بتدى لون للحاجة
مواضيع هذا القسم برعاية
شمس السما شمس السما 805130_1.gif فتكات متميزة Fatakat 805130 cairo – Misr