السلام عليكم و رحمة الله وبركاته
ازيكو يا بنات عاملين ايه
بقالي فترة مكتبتش موضوع والحقيقة انا كنت مترددة اكتب لكم الموضوع ده عشان خوفت الادارة تعتبرو دعاية او اعلان لكن هوا مش كدا خالص بالعكس كل الحكاية اني استفدت وحبيت افيد اخواتي
هدخل في الموضوع بقي , انا كنت نازلة العتبة فــ يوم رايحة علي محل الهلال والنجمة و بالصدفة البحتة وانا ماشية ورايحة عليه لقيت محل كدا صغير حاطت ستارة بلاستيك كنت بشوفه قبل كدا بس عمري ما دخلته , المرة دي بقي قولت يابت ادخلي اتفرجي مش هتخسري حاجة وفعلا دخلت ولقيت اللي مكنتش متخيلاه , فرحت اوي كأني لقيت كنز بالظبط , لقيت كل المنتجات اللي بتتباع علي النت يا بنات ومنتجات As Seen On Tv كلها هناك و بعدين انا سألته علي حاجات فا بعت معايا واحد وداني معرض تاني ليهم اكبر ومليان حاجات والمحل اصلا بيبيع بالجملة يعني بيورد لتجار تقريبا لان هما مستوردين بس برضو بيبيع قطاعي عادي لكن بسعر غير سعر الجملة طبعا , اخدت شوية حاجات وكتبت اسعار الحاجات اللي انا عيزاها كلها ونزلت تاني يوم جبت شوية حاجات برضو لاني اول يوم مكنتش عاملة حسابي فــ الفلوس
ودي صور للحاجات اللي انا اشتريتها بالاسعار كمان
فرشة تنظيف الزجاجات باكيت فيه 4 فرش بــ 12.50 جنيه
حامل اكياس السوق الصغير بــ 10 جنيه و كان عنده الحامل الكبير بــ 12.50 جنيه بس مجبتوش
شماعة الاحزمة بــ 12.50 جنيه
معلقة البرطمانات بــ 10 جنيه
حامل ليفة الاطباق باكيت فيه 2 قطعة بــ 10 جنيه
منشر الغسيل بتاعي شبه ده لكن مفيهوش مشابك و طول الحبل بتاعه 15 متر كان بــ 23.50 جنيه
شماعة الطرح جبت 2 الواحدة بــ 20 جنيه بس بتاعتي لونها ابيض و 9 خانات بس مش 12 خانة زي الصورة دي
حامل المكانس بس بتاعي 4 خانات كان بــ 45 جنيه وكان عنده موديلات تانية بس انا جبت ده
ضاغط المعجون شكل تمساح باكيت 3 قطع الوان مختلفة كان بــ 9.50 جنيه
حامل الموبايل وهوا بيتشحن جبت واحد اللون اللي فــ الصورة و التاني احمر كان الواحد بــ 3.50 جنيه وكان عنده واحد بيتطبق ويبقي شريحة واحدة كان بنفس السعر بس انا جبت ده
منظم الشنط بــ 40 جنيه 10 خانات زي الصورة بالظبط
يتبع
بسبوسة بالكراميل بسبوسة بالكراميل 823231_1.gif فتكات متميزة Fatakat 823231 السويس – مصر