إزيكم يا أحلى الفتوكاااات
وحشتووونى كتييير كتييير كتييير كتييير
طبعاً باين من العنوان إنى جربت وصفة لـ Noursein
وطلعت بجد بجد تحففففففففففففففة
تعالوا أقول لكم و أوريكم عملت إيه
"◦˚ღ ღ˚◦""◦˚ღ ღ˚◦"
نبدأ مع بعض ونقول
بســ الله ـــم
"◦˚ღ أولاً : البطاطس المحشية ღ˚◦"
نجيب بطاطس صغيرة للحشو حسب أفراد الأسرة
نقشرها ونقورها ونغسلها ونقليها بس نطلها نصف مقلية
وبعدين لما تبرد نمسحها من جوة بالفلفل الأسود ونحشيها باللحمة المفرومة
انا بضيف على اللحمة ملح وفلفل أسود وبهارات لحمة وقرفة و زنجبيل و روزمارى
و 2 بصلة مبشورة وبقدونس وكسبرة خضرا كمان وأقلبهم كويس
وأحشى البطاطس وأرصها فى الطاجن بتاعى وبعدين
سقيتها بشوربة مدوبة فيها طماطم وملعقة صلصلة وحطيتها على النار
وبعدين دخلتها الفرن تكمل السوى فيه وطعمها بجد رااائع
"◦˚ღ ثانياً : الكفتة ღ˚◦"
باللى إتبقى من اللحمة المفرومة عملت صوابع الكفتة
و دهنت الصينية بالزبدة البلدى خفيف كده ودخلتها الفرن هى كمان
وبعدين لما إستوت عملت إيه يا قمرااات ؟؟؟ جبت فحمة
و ولعتها خالص لحد ما بقت حمرااااا وجبت ورقة فويل عملتها زى طبق صغير كده
وحطيت فيها الفحمة وحطيتها فى صينية الكفتة وبمعلقة زبدة بلدى
طشيت الفحمة تشششششششش وغطيت الصينية على طول وشمى أحلى ريحة للكفتة
كأنها من عند الحاتى والله كانت راااائعــــــــــــــــة
"◦˚ღ ثالثاً : الكانيلونى باللحمة ღ˚◦"
ده سهل جداً جداً جداً
انا بعمله كوب دقيق … كوب لبن … 2 بيضة بلدى
ملح … فلفل … قرفة
وأخلطهم كلهم مع بعض كويس ممكن تحتاج ربع كوب لبن كمان
حسب الدقيق اللى بتستخدميه
وبفنجان القهوة أبدأ أعمل الكانيلونى بتاعى بمسح الطاسة التيفال
بنقطة زيت وأصب شوية وأقلبه على الناحتين
لحد ما أخلص الكمية كلها وبعدين أحشيه باللحمة وأرصه فى الطاجن
وبدهن الوش بالصلصة وأدخله الفرن
"◦˚ღ رابعاً : السمان المحشى ღ˚◦"
ده بقى المعلم الكبير آن آن آن دشششششششش
بجيب السمان وبنظفه كويس بالملح والدقيق
وبرجع أغسله وأنقعه فى مية وخل شوية كمان وأرجع أغسله
وبعدين بحشيه بإيه يا قمرااااات ؟؟؟
بجيب بصلة مقطعة صغير وبمعلقة سمنة بصفرها شوية
وبحط معاها الكبد والقوانص بتاعة السمان
وبرضه ببقى مقطعاها صغير وبعدين بحط عليهم كوب أرز مغسول
ومصفى جيدا وتقليبتين كده على النار
وبشيله وبحشى السمان وأكتفه لو وبعدين بسلقه وبعد كده
بدهنه سمنة وأرش عليه ملح وفلفل
وبدخله الفرن هو كمان علشان يتحمر والطعم جاااااااامد جداً
و دى صورة للآكل كله مع بعضه
شوفتوا يا قمرات انا شطورة إزاااااى
وعملت سفرة كاملة بنصف كيلو لحمة مفرومة
ده بقى طبق التحلية بتاعى بعد الغدا
مش هكتر أصلى عاملة ريجيم هههههههههههه
بصوا بقى اللى هتقييم هديها حتة
واللى مش هتقييم ؟؟؟؟؟؟؟؟؟؟؟؟؟ هديها برضه
أصلى طيبة ومش بزعل منكم
مواضيع هذا القسم برعاية
اجلال حسين اجلال حسين 59919_1.gif فتكات رائعة Fatakat 59919 حلوان – مصر