السلام عليكم ورحمه الله وبركاته
أهلا بيكوا يا أجمل جروب التقى على الخير والصحبه الصالحه فى الله
الحمد لله وبفضل من الله تجمعنا فى الجزء الأول على خير
كنا بندخل
وبنقول يومياتنا وأخبارنا: فى الدايت
ونشجع بعض: على الرجيم والرياضه
ونواسى بعض: لما نلخبط أو ما نخسش أو وزننا يثبت
ونبارك لبعض: لما نخس أو واحد تتجوز أو يبقى عندها مناسبه حلوه
ونفرح لبعض: أيوه كنا بنفرح لكل واحده فينا خست كأننا أحنا اللى خسينا بالظبط
وننصح بعض: كل اللى كان عندها دايت مناسب كانت بتكتبه أو نصيحه حلوه كانت بتقولها أو معلومه مفيده كانت بتكتبها
الحمد لله ميعادنا كان بيبقى يوميا
وأهم يوم فى الأسبوع كان:
يوم الخميس يوم الخوف والقلق
يوم ظهور النتيجه
يوم تحصيل تعب الأسبوع
كل واحده كانت بتدخل تقول خست قد ايه
أنا عملت الجزء التانى ده عشان يقربنا من بعض أكتر وأكتر
بس هنا مفيش يوميات خااااااااااااااااااااااااااااالص
هنا فى حاجه واحده بس :
كل واحده هتدخل تقول
الطول:
الوزن:
العمر:
الوزن المثالى اللى نفسك تحققيه من زمااااااااان:
عايزه تخسى كام كيلو:
المرحله الأولى :
عايزه تقعدى قد ايه فى المرحله الأولى:
المرحله الثانيه:
وعايزه تقعدى قد ايه فى المرحله الثانيه:
طبعا احنا بقالنا شهر مع بعض
فى الأول كل واحده كانت معانا فى الجروب من الأول
تدخل تقول هى خست قد ايه فى:
الأسبوع الأول:
الأسبوع الثانى :
الأسبوع الثالث:
الأسبوع الرابع:
ويوم الخميس القادم بأذن الله موعدنا
عشان نقول خسينا قد ايه فى الأسبوع الخامس
وأهلا بأى عضوه جديده
تدخل تسجل بياناتها فى الأول
وبعدين تبتدى معانا من الأسبوع الخامس
تتابع معانا فى اليوميات هناك
وتدخل يوم الخميس الجاى هنا
تقول هى خست قد ايه فى الأسبوع الخامس (اللى هو الأول بالنسبه لها)
وأى عضوه كانت دخلت فى الأسبوع التانى أو الثالث أو الرابع
تدخل تسجل بياناتها
وبعدين تقول خست قد أيه فى الأسبوع اللى دخلت فيه وبعدين تكمل معانا بانتظام
بس رجاااااااااااااااء خاص
كل اللى تدخل وتسجل بياناتها تكون ملتزمه وقبل ما تشترك تعرف كويس قوى انها لو هربت هنجيبها يعنى هنجيبها لأننا بنتابع بعض بجد جداااا جداااا
فكل اللى تدخل تبقى بجد ناويه تبدأ صفحه جديده وحياه جديده بشكل أحلى
وصحه أجمد
وثقه بالنفس أعلى
وربنا يوفقنا جميعا
أى تعليق أو أستفسار ياريت يكون فى الجزء الأول
عشان هنا تبقى أسماء المشتركات ورا بعضها عشان نقدر نتابع بعض
وآآآآآآآآآآسفه جدا جدا على الاطاله
وأرجو التقييم والتثبيت
doctor_fatakat doctor_fatakat فتكات هايلة Fatakat 120159 المحله الكبرى – مصر أم الدنيا