مبروك علينا يا بنات الجزء التاني ويارب يارب يبقى وشه حلو علينا جميعا
احب الاول اعرفكم بجروبي الي احنا كلنا عيلة واحدة وسعيدين بانضمام اي عضوة تانية
واكيد اكيد مش هتخسر لا دي هتعرف شوية بنات زي العسل يساعدوها ويشجعوها
حبيبتي منار ودول وايه ووام عمر وسها وروجينا ومنورة واخيرا محدثتكم دقدقة
يارب مكونش نسيت حد
دلوقتي شرح نظامنا الي ماشيين عليه وفيه اقتراحات جديدة بعد العيد ان شاء الله
ازيكم يا بنات
يا جماعة انا بدات تنظيم اكلي لان وزني زاد جدا جدا
وبدات اني اكل نص اكلي يعني كنت باكل رغيف عالفطار بقى نص رغيف
الغدا نفس الحكاية كان طبق كبير بقى طبق صغير ,كباية عصير بقى نصها
شوكولاته بقى قطعتين بس من 6 قطع ,بسبوسة بقت اد معلقة كبيرة بس
ومش حارمة نفسي من حاجه ابدا , وهبدا معاها تمارين ال5 ميل عشان تساعد
وجبت شورت حراري وزيت جنزبيل وقرنفل وحبهان وهدهنهم والبس الشورت وانا بلعب التمارين
عشان اساعد الي مش عاوز تمارين براحته , مع تقليل الاكل هتخسي والله هيفرق عالمدى ومش هتحسي بحرمان
والاهم انه يبقى نظام حياة عشان لا ترجعي تتخني تاني ولا حاجه
لو حد عاوز يبقى معايا اهلا وسهلا واهو نشجع بعض بس ياريت نلتزم
إضافة
يا جماعة انا كتبت نتايج الي وصلناله بعد الجزء الاول عشان الي يتفضل عندنا
يشوف النتايج قبل ما يشترك معانا ويتشجع باذن الله ,وباذن الله الجزء ده للافضل
أم عمر كانت 95 بقت 84 يعني 11ك في شهر ونص
فتوكة عسولة كانت 80 بقت 73 يعني7ك في شهر ونص
دقدقة كانت 125 بقت 117 يعني 8 ك في شهرين
دول كانت 82,2 بقت 76,6 يعني 5,600ك في شهرين واسبوع
بس يا جماعة دول عندها الغدة فده يعتبر كويس جدا ليها وربنا يعافيها
دقدقة السكرة دقدقة السكرة فتكات متميزة Fatakat 1121155 المنصورة – مصر