طبعا انا مش بحب اعمل غير الاكل المصرى بتاعنا اللى كلنا بنموت فيه وانهاردة بقا جايبلكم غداانا المصرى ويارب يحمى مصر ويخليها لينا نبتدى بقا ياقمرات المنيو كان عبارة عن (حمام محشى فريك +فراخ بلدى محشية فريك+بسلة +ملوخية+رز مفلفل+طاجن فريك فى الفرن )
اولا :الحماام
انا عملت 3 جوز حمام طبعا نضفته كويس والحماام اصلا نضيف مش بيبقا ليه ريحة زفرة زى الفراخ فامش بياخد مجهود فى النضافة زى الفراخ ودى صورته بعد مااتنضف كويس
وجهزت الفرخة البلدى اللى عندى علشان احشيها فريك مع الحمام .
تجهيز الفريك: اانا جبت اربعة كوب فريك وضيفت عليهم 5 كوب ما مغلى ونقعته فيهم وسيبته لحد مابقا طرى
وبكدا الفريك تمام .
نجيب بقا الكبدة بتاعت الحمام والفراخونقطعهم صغير ونجيب بصلة صغيرة مبشورة ناعم ونجيب معلقتين سمنة ونحطهم ع النار مع البصل
ونضيف الكبدة ونقلبواول ما تتشوح شويا والبصل اصفر ننزل بالفريك عليهم ونتبله بالملح والفلفل وكدا جهز الفريك للحشو ويبرد شويا وبعدين نبتدى نحشى الحمام وكدا الحمام جهز
نجهز الشوربة بتاعتى اللى مش بغير طريقتها وهتلاقوها فى موضوعى قبل كدا(حلة فيها مقدار مية واحط فيها بصلة مقطعة وطماطم او عصير طماطم وحبهان ورق لورا او غار كزبرة خضرا جزر مقطع )ونسيبها ع النار واول ماتغلى نضيف الحمام ونكون مجهزيين توم مدقوق بالملح والفلفل الاسمر نضيفه للشوريةوبعد مايستوى الحمام اطلعه واحمره انا دهنته سمنة وحمرته تحت الشواية وكل واحد وطريقته
ثانياا :البسلة بالجزر
طبعا كلنا عارفنها عبارة عن (مقدار من السمنة حوالى 4 معالق+نص كيلو بسلة بس بعد ما اااتقشرت او كيس بسلة +وجزرتين كبار مكعبات +وملح وفلفل +4 بصلة متوسطة+حوالى عصير 6 طماطم +معلقة كبيرة صلصة)
نبشر البصل ناعم ونحطه مع السمنة ع النار وبعد ماتحمر البصلةنضيف عصير الطماطم ونسيبها تتسبك شويا ونضيف معاها معلقة صغيرة سكروبعد ماتتسبك ننزل بالبسلةبالجزرونسيبها تستوى ونزود الشوربة كل ماتحتاح ونهدى النار ونسيبها براحتها .ودى بعد مااستوت
وبعدين جهزت طاجن الفريك انا اتبقا عندى من فريك الحشو شوحته ع النار مع عصير طماطم والبهارات واتشرب شويا وبعدين حطيته فى الطاجن ودخلته تحت الشواية
بعد كدا جهزت الرز المفلفل والملوخية وطريقتهم هتلاقوها فى موضوع السابق اكلتى المصرية الجامدة بالصوررر ودا الرز المفلفل
وهنا بقا خلاص السفرة جهزت اسيبكم مع الصور
وياريت بقا التقييم وتسلمولى كلكم مواضيع هذا القسم برعاية
cuteegirl cuteegirl فتكات هايلة Fatakat 309381 اسكندرية – مصر
