صباح الخير يا بنات
وحشتونى
انا النهارده عملالكو كفته الحاتى جميله اوى وسهله يارب تعجبكم
اولا
دى صوره تجويعيه اهه
وانا سميتها قصيره وصغيره وتختوخه
لانى اتعمدت المره دى اعملها قصيره وتخينه واصغر حجمها شويه عن العاده كنوع من التغيير بس مش اكتر
يلا بقى ندخل ع المقادير
لحمه مفرومه
بصل مفروم ناعم
بقسماط
بهارات وملح و فلفل و قرفه وشطه
معلقه صلصه
معلقه كاتشب
اولا انا جيبت البصل اهو وفرمته
وبعدين فرمته اهو
وبعدين جيبت اللحمه المفرومه حطيت عليها البصل والملح والفلفل والقرفه اهو
وبعدين حطيت البقسماط
وبعدين حطيت معلقه الصلصه عليهم اهه
ويعدين حطيت عليهم كمان معلقه سمنه والكاتشب كمان اهو
وعلى فكره مش مهم الترتيب يعنى
اللى يجى فى ايدك الاول حطيه واقلبى ههههههههه
وبعدين قطعت طماطم عشان هفرش بيها الصينيه اللى هصبع فيها الكفته عشان متلزقش وكمان بتدى طعم حلو جدا وبتزينى بيها الطبق عشان تكسرى لون اللحمه الغامق وطبعا كمان ممكن تزوقى باى خضار انتى بتحبيه او بقدونس وكده يعنى انتى وذوقك وتكاتك وحركاتك بقى هههههههه
وهنا اهو حطيت الطماطم فى الصينيه وابتديت اصبع الكفته
وهنا اهو بعد ما صبعتها وخلاص الحمد لله
ودى كمان صوره للتوضيح
وبعدين دخلتها الفرن حوالى نص ساعه
ودى كده بعد ما خلصت ولسه مولعه
يارب تعجبكم
التقيم يا بنات لو عجيكم الموضوع
تسلمولىىىىىى
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر