السلام عليكم ورحمة الله وبركاته يا احلى اخوات
انهارده عملت كفته الفراخ وكنت من زمان قوى معملتهاش
هيه مفهاش تكتات ولا حاجة بس هيه طلعت لذيذه قوى قلت اقولكم طريقتى فيها
المقادير
نص كيلو فراخ مفرومه وضفت لها(فرمت فى الكبه بصله مع بطاطسيه صغيره وفلفله خضره
وملح وفلفل وبهارات مشكله وفص ثوم)
وضفت لها كوب بقسماط مفروم وعجنتهم فى بعض
وصبعتها على اسياخ شيش وجبت صنيه الفرن ودهنتها زيت ورصتها فيهم
وكنت قبل ما اصبعهم مشغله الفرن على اعلى درجة من الشواية ومن تحت
ودخلتها فى الفرن وبظبط 25 دقيق كانت استوت واحمرت بلون كويس
وبس
ومصوره لكم الخطوات الاخيره يارب تعجبكم وتجربوها انا قلت المرة الجايه
هضيف لها كمان جزريه مفرومه
وتنقع فى رمضان هتبقى لذيذه وكويسه قوووووى فى العزومات
متنسوش التقييم لو عجبتكم
فى أماااااااااااااان الله
مواضيع هذا القسم برعاية
ام بـــراء وفريـــدة حبايبـــى ام بـــراء وفريـــدة حبايبـــى 234357_7.gif فتكات ست الكل Fatakat 234357 فى مملكتى الى بحبها – المملكة العربية السعودية