ازيكم يافتوكاتى
النهارده هنعمل كفته البطاطس بطريقتين
اقتصاديه يعنى من غير لا لحمه ولافراخ
ونوع تانى بالفراخ نشوف صوره كده على الماشى
دى بالفراخ
ودى العاديه الاقتصاديه
المقادير
4بطاطس متوسطه
ربطتين خضره شبت وبقدونس
بس نقطع الاوراق بس
ملح وفلفل
معلقتين كبار دقيق
معلقه صغيره توم بودر
معلقه صغيره بصل مجفف (اختيارى)
معلقه صغيره بابريكا
نصف معلقه كركم
2كيس فيجيتار للعجن
صفار بيضتين
نصف فرخه مسلوقه ومفرومه فى الكبه (لنوع الكفته بالفراخ)
للتغطيه
بيضتين وعليهم معلقتين لبن
فيجيتار او بقسماط
الطريقه
نسلق البطاطس ونهرسها متوسط
ونحط عليها كل التوابل والدقيق والفبجيتار والخضره
نصبعها صوابع او اقراص او كور زى مانحب
ونحطها فى خليط البيض واللبن المتبل ملح وفلفل
وبعدين نحطها فى الفبجيتار
تقلى فى زبت ساخن وغزير وتقدم ساخنه
معاكوا الصور بالتفصيل
شوفتوا من جوه سايحه وجميله ازاى
كفته البطاطس بالفراخ زيها بالظبط
بس بنزود نصف فرخه مسلوقه ومقطعه ومفرومه
فى الكبه او القطاعه الكهرباء وبصراحه بتبقى اجمل بالفراخ طبعا
بنعجن الفراخ المفرومه مع البطاطس والتوابل والخضره ونشكلها
بنفس طريقه الكفته الاقتصاديه
ومعاكوا الصور بالتفصيل الممل
شوفوا من جوه جميله ازاى
زووووووووووم
زوووووم اكتر
انا كده خلصت وتعبت الصراحه اوى فى رفع الصور
اوعووووووووا تنسووووووووا التقييييييييييييييم
مواضيع هذا القسم برعاية
سيسو زيزو سيسو زيزو 822446_8.gif فتكات غالية قوي Fatakat 822446 المنصوره – مصر