بسم الله الرحمن الرحيم
السلام عليكم ورحمة الله وبركاته
ازيكم حبيباتى النهاردة ان شاء الله موضوعنا
كفتة الحاتى بتكاتها المهمة
المقادير
لحمة مفرومة ملبسة
بصل مبشور
فصين توم مفروم
ملح
فلفل اسود
بهارات
خضرة
طماطماية مبشورة
الطريقة
اول حاجة نعملها نبشر البصل فى مصفاه تحتها طبق ونرش رشة ملح بسيطة ونضغط على البصل المبشور باليد حتى ينزل ميته كويس جدااااااااا ويفضل عندنا تفل البصل ودى تكة مهمة جدا علشان الكفتة ماتفكش مننا ومية البصل دى مش حنرميها حنحتاجها حقولكم امتى
حنجيب اللحمة المفرومة بتاعتنا
ونضع عليها تفل البصل والتوم المفروم والملح والفلفل والبهارات والخضرة ونخلط كله مع بعضه
ونجيب مية البصل اللى كنا حطينها على جنب ونضع عليها طماطماية مبشورة ورشة ملح وبهارات
وحنصبع كفتتنا على عصا الملعقة الخشب
وقبل مانصبع الكفتة نبل ايدينا فى خليط مية البصل والطماطم المبشورة والبهارات ونصبع الكفتة على الملعقة الخشب
ونسحب صباع الكفتة وننزل بيه فى الطاسة الساخنة اللى بيها قليل من الزيت الساخن علشان تاخد صدمة من الناحيتين
وبعد مانخلص نرص الكفتة فى صينية وندخلها الفرن تكمل سواها
فى الوقت ده نكون بنجمر فحماية على النار ولما تخرج الكفتة من الفرن نضعها فى وسط الصينية على ورقة فويل
ثم ناخذ من الدهون اللى نازلة من الكفته ونضعها على الفحم او نضع عليها شوية زيت صغيرين واول ماتدخن نغطى صينية الكفتة بورق الفويل كويس لحين التقديم حتى تاخد ريحة الشوى وبالهنا والشفا
اتمنى وصفتى تعجبكم
التقييم امااااااااااااااااااانة مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر
سبحان الله و بحمده