ازيكوا يافتوكات عاملين ايه يارب تكونوا بخير ..دي اول مره اكتب في قسم المطبخ هقدملكوا النهارده وصفة الكفته بالبرغل على طريقة ست الكل ماما ربنا يطول في عمرها ويديها الصحه ..الأكله دي لذيذه واقتصاديه معلش طولت عليكوا يلا تعالوا اقولكم على المقادير ..نصف كيلو لحمه +قطعة ليه حوالي خمسين جرام+ربع كيلو برغل +بصله متوسطه مفروم ناعم+ملح +فلفل اسود+نص معلقة قرفه+نص معلقة خولونجان+معلقة كبيبه صيني+بقدونس مفروم ناعم البقدونس هيكون حسب الرغبه..الطريقه..ننقع البرغل مده لا تقل عن ساعتين ثم نصفيه جيدا ونضيفه على اللحم ثم نبشرالليه على اللحم ازاي بقى هنحط الليه في الفريزر لحد مل تجمد وبعدين هنبشرها بالمبشره هتكون عامله زي المفرومه..بعد ما ضيفنا الليه هنضيف البصله والملح والتوابل على فكره الخولونجان والكبيبه الصيني هتلاقيها عند العطار والتوابل دي بتخلي الكفته دي زي كفتة الحاتي لو عايزه تضيفي البقدونس براحتك ده حسب الرغبه..هنقلب الخليط جيدا وبعدين هنريحها بقطعة فحم هنجيب الفحمه ونسخنها ونكون مجهزين زيت وحطينه في قلب الخليط وبعدين نحط الفحمه في الزيت ونغطي باحكام بعدكده نبتدي نصبعها على معلقه خشبيه او معلقة طعام بعد مانصبعها هنشوف ازاي بقى هنسويها احنا بقى هنسويها على البخار تعالوا بقى نشوف ازاي هنجيب حله وهنحط فيها شوية ميه وهنسيبها تغلي وبعدين نحط مصفاه على الحله وبعدين هنرص الكفته في المصفاه اللي علي الحله وهنغطيها وهنسبها خمس دقائق لحد ما تستوي وبعدين هنحمرها في معلقتين زيت يعني مش كتير وبعدين نطلعها على طبق مفروش بقدونس ونقدمها مع مكرونه وسلطه خضراء وسلطة طحينه وبالهنا والشفا معلش انا معرفتش انزل الموضوع بالصور وعلش لو كنت طولت عليكم. مواضيع هذا القسم برعاية
Nona 2024 Nona 2024 911639_5.gif فتكات متميزة Fatakat 911639 القليوبية – مصر
سبحان الله و بحمده