ازيكم يا فتوكاتى الحلوين وحشتونى اوى اوى
معلش بتأخر عليكم شويه بس هو كسل ف
التصوير مش اكتر وانا بحب دايما اعمل
الحاجات السهله مش صعبه لعل وعسى
حد يستفيد من مواضيعى انا مش صورت
كل الخطوات لانى مش كنت عارفه انى
هانزل موضوع وجت كده بس ان شاءالله
الشرح هيكون وفى وموضح كل حاجه
نبدأ بسم الله
المقادير
نص كيلو لحمه
كوب صغير ارز
بصلتين
خضره(شبت وبقدونس وكسبره)
بهارات لحمه
ملح
فلفل اسود
قرفه
جنزبيل
الطريقه
اولا بنغسل الارز وبننقعه حوالى ساعه
وبعدين بنجيب اللحمه المفرومه ونحط عليها كل حاجه من المكونات
(الخضره والبهارات و البصل والملح والفلفل والقرفه
والجنزبيل ) ونبدا نعجنهم كويس
ونحضر الكبه او المفرمه حسب المتاح
ونفرم الارز لواحده وهيبقى بودر واللى هيساعد انه يكون بودر
انه منقوع ساعه وبعدين نحط الارز على اللحمه وباقى المكونات
ونفرمهم تانى كلهم مع بعضهم ولو حسيتى ان العجينه
لسه خشنه معاكى افرميهم تانى مع بعض لحد ما العجينه تبقى ناعمه
انا فرمتهم مرتين ودا شكل العجينه بعد الفرم مرتين
وعلى فكره سيبتها ارتاحت فى التلاجه فتره كبيره عشان لما تيجى
تصبعيها تبقى سهله زيها زى اى عجينه لازم ترتاح
وكفتة الحاتى كده برده بنسيبها ترتاح
وبحضر بعد كده شوية زيت صغيرين عشان احط على
ايدى وانا بصبعها ومش تلزق على ايدى
ونسخن الزيت فى الطاسه ونحمر كده
ونحمر بقى كل الكميه اللى عندنا ونخلصها انا بحمرها كويس
عشان تكون جامده معايا وانا بعملها فى الصلصه بس مش احرقها يعنى
زى كده
وبحطها فى اكياس بقى كل كيس على اد اكله بالشكل دا
وبطلعها احطها فى الصلصه مع البطاطس عادى
مش بيجرالها اى حاجه فى الفريزر
وكنت عملاها فى الموضوع دا بالصلصه بس مش كنت نزلت طريقتها بالتفصيل
ودا رابط الموضوع اللى يحب يشوف طريقتها فى الصلصه
طاجن مسقعه بالبشاميل وبطاطس وكفته بالارز فى الدمعه بالصور اكيد
وطعمها والله جميل جدا ولا الكفته العاديه ومافيش بقى
ارز بيقرقش واحنا بناكل ولا الكلام دا وطريه من جوا
وطبقتها من بره ناشفه يعنى مش هتتهرى مش تخافى لما
تحطيها فى الصلصه مع بطاطس
كانت بتتاكل كده والله وهى طالعه من الزيت
وعملت منها كمان بالبيض والبقساط
حضرت البيض والبقسماط بتاعى كده
وعملتها اقراص كده
وحطيتها فى البيض وبعدين البقسماط وحمرتها فى الزيت
ودا شكلها
وعملت الطبق دا فى العشا
واتمنى ان موضوعى المتواضع ينال اعجباكم ويكون سهل ان شاءالله
ولا تنسونى بصالح الدعاء
ويا سلام بقى لو قيمتوا يبقى كده تمام اوى
انا بقالى 9 ساعات بصغر فى الصور وبكتب
فى الموضوع
مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره