كباب السوسيس – اختراعي الجميل
احبائي واخواتي وصديقاتي الاعزاء
الطبق ده اسمه كباب السوسيس
او شيش السوسيس
طبق فكرته سهله جدا ومش بياخد وقت خالص
يعني ينفع وقت الازمات
" مش هطول عليكوا "
تعالوا يالا نشوف الطريقه
* الاول نجيب السوسيس ونقطعه علي ثلاثه " طبعا لو عندك السوسيس الفرانكفورت – الصغير هيكون افضل " .
* نعمل الخلطه اللي هنحطها عليه وهي عبارة عن : فصين ثوم + ملعقة كاتشب + ملعقه مسطرده
+ ملعقة صلصه + زيت زيتون + ملح وفلفل + كركم + بابريكا .
* ونخلطهم كويس " طبعا ممكن تزودي الكميه علي حسب كمية السوسيس بتاعتك " .
* نجهز الاسياخ الخشب " نصيحه ليكي : حطي الاسياخ الخشب في ماء مغلي شويه صغيرين علشان لما تتحط علي النار ما تنحرقش " .
* نقطع الطماطم والبصل والفلفل الرومي كله مكعبات " للأسف ماكنش عندي فلفل – بس مش مهم " .
* ونبتدي نشيش السوسيس بالطريقه دي لحد ما الكميه كلها تخلص .
* وبعدين نحط التتبيله عليه .
* لحد ما تخلصي الكميه " انا زودت شويه من التتبيله علشان تكفي ولو زادت معاكي اوي يبقي احسن علشان هنستخدمها في الشوي " .
نسخن صينيه تيفال ونحط شوية زيت زيتون " مش كتير " وبعدين نحط الاسياخ .
* ولما تحمر نقلبها علي الناحيه التانيه " خلي بالك علشان مش بياخد وقت " في الوقت ده لو متبقي معاكي جزء من التتبيله زوديه مع الزيت .
انا قدمته مع رز بالكركم والقرفه وبطاطس محمرة
طبعا ممكن يقدم مع المكرونه بيبقي حلو جدا .
* ايه رأيكوا
وده طبق " مين يا تري ؟؟؟ "
يارب يكون الطبق عجبكوا
وصدقوني اكله جميله وخفيفه وسهله جدا جدا
بالف هنا وشفا مواضيع هذا القسم برعاية
عز الأسلام عز الأسلام 123488_4.gif برنسيسة فتكات Fatakat 123488 في عشمي لكرم ربي – يارب ارزقني الزوج الصالح السليم والذريه الصالحه السليمه