السلام عليكم ورحمة الله وبركاته
إزيكم ياأجمل فتوكات
عاملين في الجو المتقلب ده ؟؟ يارب تكونوا جميعا بخير
النهاردة كنت محتارة أعمل ايه ع الغدا
وقلت اعمل بيتزا ولا أقضيها أي حاجة وخلاص الواحدة زهقت من كتر التفكير الحقيقة
المهم قلت أجرب الكالزوني لأني كنت شايفة الوصفة من زمان في موقع أجنبي
الكالزوني زيه زي معظم المعجنات الايطالية بيعتمد في الاساس على عجينة البيتزا الكلاسيكية ويتحشي ويتقفل بشكل معين
يبقى كالزوني يبقى سترمبولي يبقى اي حاجة تانية هههههههه
النهاردة هانزل لكم الكالزوني بالسجق الجميل بتاعنا مش السوسيس هاا
ها ايه رأيكم ؟؟
شايفين الحشوة والجبنة السايحة اممممممممم
يلا نبتدي بسم الله ..
أولا مكونات العجين
==========
عملتها خفيفة عشان أقنع نفسي اني عاملة دايت
1 1/2 كوب دقيق متعدد الاستعمالات
1 1/4 كوب دقيق القمح الكامل ( الأسمر )
4 م ك زيت زيتون
2 م ك زبادي ( دي تكتي الخاصة )
رشة ملح
م ص سكر
مغلف خميرة فورية
3/4 كوب ماء دافئ ( أو حليب ) حسب الرغبة
وللحشو :
=====
300 جم سجق شرقي ( بلدي )
ثمرة طماطم متوسطة
بصلة متوسطة
فلفلة خضراء متوسطة
هوت صوص
رشة ملح وفلفل
جبن شرائح لايت ( أو لا حسب ماتحبي )
جبن موتزاريلا
صلصة بيتزا
الطريقة :
=====
امزجي مكونات العجين ماعدا الماء في محضر الطعام أو يدويا
أضيفي الماء بالتدريج حتى تتشكل كرة من العجين وتتجمع في جانب الوعاء ( قد لا تحتاجين كل كمية الماء حسب الدقيق )
انقليها لطبق مدهون بزيت الزيتون وادهنيها بالقليل منه وغطيها واتركيها في مكان دافئ لترتاح حوالي ساعتين
نحضر الحشو
=======
حمري البصلة المفرومة في قليل من الزيت حتى تكتسب اللون الذهبي
قطعي السجق مكعبات صغيرة وأضيفيه للبصل وقلبي قليلا
قطعي الفلفلة مكعبات والطماطم شرائح رفيعة وأضيفيها للمقلاة مع الملح والفلفل والصوص الحار
لتحضر البيتزا اعجني العجين ب2دك لدقيقة ثم اقسميها لأربع قطع متساوية
افردي كل جزء منها على شكل دائرة وادهنيه بملعقة صغيرة من صلصة البيتزا ثم ضعي شريحة من الجبن ثم مقدار من الحشو ثم قليل من جبن الموتزاريلا
اطوي الجزء الآخر من الدائرة على الجزء الموضوع فيه الحشو واغلقي الطرف السفلي على العلوي جيدا
رصيهم في صينية فرن مناسبة وادهني الوجه بزيت الزيتون ورشيه بقليل من جبن البارميزان أو الرومي المبشور
أدخليها الفرن الساخن مسبقا على درجة 200 لمدة من 25 لــ 30 دقيقة أو حتى تنضج العجين
أشعلي الشواية ليحمر الوجه
وهنا بعد خروجها من الفرن
وزوووووووووم
وقدميها حسب الرغبة …
وبألف هنا وشفا لأحلى فتوكات
سلام بقى ونتقابل قريبا مع السترومبولي إن شاء الله
انتظروووووووووني ..
في أمان الله
وماتنسووووووووش التقيييييييييم
مواضيع هذا القسم برعاية
Anfas Elfajer Anfas Elfajer 122969_2.gif فتكات رائعة Fatakat 122969 حيث يشرق الأمل كل صباح مع .|. أنفاس الفجر .|. الأولى – مصر