اولا السلام عليكم ورحمه الله وبركاته
انا كنت حامل وحصلي الحمد لله اجهاض قدر الله وماشاء فعل
وجوزي سافر بعدها علطول روحت اتابع مع دكتورتي قبل ما يرجع بكام شهر كده قالتلي حللي هرمون اللبن طلع عالي 60
انا باخد دوستينكس خلصت علبه وهبدا في التانيه والشهر ده تابعت تبويض من اليوم التاسع ومفيش اي بويضه موجوده انا الدكتوره قالتلي كده حسيت اني قلقت اوي وخايفه لاقدر الله يكون عندي حاجه وقالتلي البريود هتتاخر بس لما عرفت ان جوزي قرب يرجع هتديني حاجه تنزلها وتتابع التبويض الشهر اللي جاي مع الكلوميد عشان تشوف استجابه جسمي ليه بس انا خايفه اوي مش عارفه ده صح ولا لا وياتري مفروض مخدش حاجه تنزلها
انا حابه اعرف خبراتكم في موضوع هرمون اللبن ياريت كل واحده متبخلش علينا وتقولنا عمل معاها ايه ونزل بعد اد ايه وحملت علطول ولا ابه
كله بايد ربنا سبحانه وتعالي بس ياريت نطمن بعض
علفكره انا دكتورتي نيهال حسن زغلول لبنات اسكندريه اكيد عارفينها
rody elgamda rody elgamda فتكات هايلة Fatakat 152376 اسكندريه – مصر