السلام عليكم ورحمة الله وبركاته
ده اول موضوع ليا في قسم الطبخ
انا بصراحه لما اتجوزت مكنش اعرف اي حاجه خالص
هو الرز وكام صنف من الخضار العادي بسله فاصوليا كده يعني
دلوقتي بقي الحمد لله بقيت نص شاطرة
علي قدي يعني وبخترع كمان
النهارده جايبالكوا الكوسه بالبشاميل من مطبخي
نقول بسم الله ونبتدي
المقادير : حوالي كيلو الا ربع كوسه
ربع كيلو لحمه مفرومه
اربع معالق دقيق
لبن – زيت
الطريقه :
اول حاجه تجيبي الكوسه زي الشاطره وتجرديها يعني تنضفيها من بره
واقسميها نصين بالطول وابتدي قوري بالراحه علشان متكسرهاش
وبعدن رصيها في البريكس ورشي عليها ملح وفلفل
ودخليها الفرن شويه تتشوي زي كده هتخرج بالمنظر ده
نجي بقي للحمة المفرومه هنعصجها عادي جدا
وهقول برده للي زي حالاتي لما مكنتش اعرف
تبشري البصله وتحطيها مع معلقه زيت واحده علي النار لحد ما تصفر شويه وتحطي اللحمه
بس لازم تخدي بالك لو مقلبتيش اللحمه علي طول وقطعتيها لقطع صغيرة علشان متكلكعش
وبعدين البهارات بقي يا قمر الاساسي ملح وفلفل واي اضافات بقي ترجعلك
انا بضيف علي اللحمه المعصجه طماطم وفلفل وزيتون ومشروم وممكن جزر مبشور
المره دي ضيفت طماطم وفلفل بس اللي كان موجود مشي نفسك
وطلعت كده
وابتدي رصي اللحمه علي الكوسه في الصينيه
بالشكل ده
وبعدين الباشميل
معلقه زيت واحده بس وتضيفي الدقيق يتحمر فيها
وبعدين تزودي البلن واحده واحده وانتي بتقلبي
وخدي بالك التقليب مستمر علشان ميكلكعش وتضيفي البهارات
في الاخر
انا بقي بضيف مكعب ماجي بيخلي طعمها مالوش حل
خلصتي البشاميل
يلا بقي حطيه علي الصينيه كده
ودخلي الفرن يا قمر
ولو عايزه قبل ما تتحمر وش الصينيه طلعيها ورشي رشه جبنه مودزريلا
بتبقي تجنن
ودي الصورة النهائيه
وبالهنا والشفا
عايزة ردود كتير واللي يعجبها الموضوع تقيم ده اول موضوع ليا متكسفونيش
مواضيع هذا القسم برعاية
اللهم اجعل وفاتي في صلاتي اللهم اجعل وفاتي في صلاتي 121990_1.gif فتكات رائعة Fatakat 121990 al damam – egypt