اذيكم يااحلى فتوكات انا من زمان اوى نفسى اكتب الموضوع ده انا عرفة ان مشكلتى ممكن تكونوسمعتوها قبلى من ناس كتيربس انا تعبت ومليش حد احكيلو ……اناهحكيلكم بالتفصيل ويارب متزهقوش منى انا بدأت حكايتى مع الرجيم بالظبط من سنة انا على فكرة وزنى مش زايداوى ومش بيبان لانى طويلةطولى 173بس بحب الاكل جدا وبالذات الحلويات والمكرونة بكل انواعها وعمرى ماكنت ناوية اعمل رجيم ابدا لانى كنت بقنع نفسى انى مش هخس ابدا وانى عمرى ما هتنازل عن الاكل لحد مالقيت نفسى 92 فقررت اروح لدكتور قعدت معاه 4شهور كان نظامه بروتينى وبيدينى كل اسبوعين يوم فرى والحمد لله خسيت لحد76بس ماقدرتش اكمل وزهقت وسبت الدكتور وطبعا تخنت شوية لحد84ومن ساعة ماسبته من حوالى 8شهور كدة وانا ف دوامة وزنى نازل طالع نازل طالع انا من ساعة ماسبته وانا مقررة انى مش عاوزة اخس بسرعة لانى هتخن بسرعة اكبروجربت كل الرجيمات الصحية زى رجيم السعرات ورجيم الهرم الغذائى وحتى نظام تخفيف الاكل بردو ومفيش حاجة قدرت استمرعليها اكتر من 5ايام وارجع ابوظ تبويظ مش عادى وارجع اتخن بسرعة دا حتى موضوع تخفيف الاكل دا اللى بيقولو انك لما تعكيه مش بتتخنى بسهولة لا انا تخنت فى يومين 3كيلوبعد تخفيف فى شهر رمضان خسيت فيه 2كيلوتقريبا طبعا مش كنت بيرفكت طول الشهر لا كنت كل يومين ابوظ واعك بس عك بسيطوهذا هوحالى انا عرفة ايه هى مشكلتى اولا معنديش اى ارادة تخلينى اكمل اسبوع ولازم لازم اكل بشراهة فى اخره لدرجة ان بطنى بتتقطع من كتر الاكل وثانيا ان الموضوع قلب عندى بهوس جامد جدا كل شوية ابص ف المراية على بطنى اللى بقت مترهلة جدا بعد الرجيم وعلى الخطوط البيضا اللى ملت جسمى وانا دلوقتى فىاخر سنةف الدراسة وكليتى صعبة وحسة ان التفكير فى الرجيم شغلنى عن المذاكرةلانى مبفكرش ف حاجة غيره تقريبا……. دى مشاكلى وانا حكيتلكم بالتفصيل الممل وممكن فى ناس زهئت منى بس اعذرونى انا مليش حد غيركم لان كل اللى حواليا زهئو من موضوع الرجيم ومش لاقيين لى حل انا نفسى تلاقولى حل هو فى حل للمشكلتين دول؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟اسفة مرة تانية على الاطالة Moraaaa Moraaaa سوبر فتكات Fatakat 234466 مدينة احبابى – مصر ام الدنيا
