ازيكم يا فتوكات انا كتبت فى القسم ده لان فى ناس متخصصه نفسيه
انا من كتر الضغوط عليا حاسه ان هيجيلى انهيار عصبى الشغل والبيت والاولاد بقالى شهرين مش عارفه انام كل لما انام بفضل احلم بكل الضغوط اللى فى يومى ونوم بقى متقطع بصحا كل شويه وبصحا بالم شديد فى سنانى من الضغط عليها والم شديد فى دماغى من كتر التفكير انا مدرسه ابتدائى فتخيلو 8 ساعات كل يوم فى الشغل مع الاطفال وضغوط الشغل والضوضاء اللى بتبقا فى المدرسه وبعدين ارجع اجيب ابنى الكبير من الحضانه من مكان وابنى التانى من مكان تانى وبعدين اروح على البيت ادخل على المطبخ عشان الغدا وبعد الغدا وشغل البيت انتو عارفين وواجب الولاد حاسه انى مربوطه فى ساقيه بوصل لاخر اليوم كل حته فى جسمى بتوجعنى طبعا دون ادنى مساعد من جوزى اللى بيرجع من شغله الساعه 2.5 ويفضل نايم على السرير يقلب فى التلفيزيون او على الكمبيوتر اللى بالمناسبه مش شايف انى بتعب فى حاجه وانى بدلع بقالى ايام ببكى لدرجه انى بحس انى هيغما عليا وبقيت عصبيه لدرجه انى ساعه لما بتعصب بقيت بحس بالم شديد فى قلبى اخر مره غيرت فيها جو وخرجت فى العيد الصغير والحمد لله جوزى ماعندوش ثقافه الخروج مش مهمه مع انى عندى ولدين صغيرين مفيش انهم يروحو جنينه مثلا ويلعبو زى الاطفال على طول محبوسين فى البيت ويوم ما يخرجو يبقا عشان يروحو لجدتهم
المهم ازاى اخلى دمغى تقف شويه بجد نفسى ادخل فى غيبوبه اعمل ايه
معلش فى سؤال هو انا لو اشتريت مهدى ممكن يريحنى ولا ممكن ابقا مدمنه عليه مع الوقت
وحيده للابد وحيده للابد 221549_2.gif فتكات نشيطة Fatakat 221549 بورسعيد – مصر
سبحان الله و بحمده