بسم الله الرحمن الرحيم
النهارده انا هقولكم حبه حاجات من واقع خبره مع الريجيم لمدة 20 سنه رغم ان عمري كله 20 سنه
الكلام اللي هقوله مش جديد عليكم واكيد 100% منكم حس ومر باللي انا هقوله بس اكيد محتاجه تسمعيه من حد تاني غير نفسك
المواقف دي كلنا تقريبا بنمر بيها
1:: تنزلي علشان تشتري لبس جديد او حتى تتفرجي ع اللبس وتلافي طقم هتموتي عليه بس للاسف مش ع مقاسك
واول حاجه تخطر ع بالك انا هبدا ريجيم من بكره!!! علشان ارجع اشتريه تاني او حتى لو اشترتيه هتقولي هحتفظ بيه عندي واخليه هدف قدامي علشان اخس علشانه
2:: العيد قرب وعاوزه ادخل العيد بنيولوك جديد وعلشان لما اروح للأقاريب وازورهم ويجوا يزورونا يتفجئوا من شكلي
يبقا خلاص انا هبتدي ريجيم من بكره !!!
3:: فرح اختي قرب ومش هلاقي فستان حلو ع مقاسي كده واكيد كل الناس هتبص عليا ما انا اللي عليا الدور بقا يبقا لازم اخس قبل الفرح علشان ابقا مزه
خلاص انا هبتدي ريجيم من بكره !!!!!
4:: ميعاد دخول الجامعه وانا تخنت اوووي في الاجازه مش معقول هرجع الكليه بالشكل ده لالالا انا هبتدي ريجيم من بكره !!!!
5:: اوه الجروب بتاع الريجيم ده حلو وشكل البنات اللي فيه متحمسين اوووي وهيشجعوني ع الريجيم خلاص انا هبتدي ريجيم من بكره معاهم !!!!!!
وغيره وغيره وغيره كتيرررررررررررررررررررررررررررر
تختلف المواقف والعباره واحده ( أنا هبتدي ريجيم من بكره )
عارفين القرار اللي بنخده بسرعه ده بيبقا شبه ايه
زي ما تكوني واقفه في اوضه ضلمه وعاوزه توصلي للباب علشان تتطلي من الاوضه دي فبتولعي عود كبريت علشان ينورلك وتشوفي الباب اللي هتطلعي منه
اول ما ينور عود الكبريت هتشوفي الباب من بعييد وهتحاولي توصلي للباب بس بعد ما يكون عود الكبريت انطفى ولسع ايدك كمان
وهتفضلي تتخبطي لحد ما توصلي للباب او متعرفيش توصلي كمان
طيب السؤال بقا ليه ما بنستعدش للريجيم زي ما بنستعد لاي تغيير تاني في حياتنا ؟؟؟؟؟؟؟؟؟؟
زي لما تكوني لسه داخله ع مرحلة الثانوي او الجامعه او هتشتغلي في وظيفه جديده او هتجوزي او هتنقلي من شقه لشقه تانيه
ليه مش بيبقا عندنا نفس الاستعداد
عارفين ليه
لان كلنا بنفكر في الريجيم ع انه وسيله هنستخدمها علشان نوصل حاجه معينه وخلاص شكرا ع كده وبعد كده لو الظروف اتغيرت او احتجنا نفس الوسيله تاني بنرجعلها
رغم ان الريجيم بمعناه الصح هو نظام حياه صحي يختلف من شخص لاخر
بس المشكله ان احنا بنفكر فيه ع انه مدى قصير اسبوع شهر بالكتير اووي 3 شهور وشكرا ع كده
المفروض تستعدي للريجيم صح وتفكري فيه ع انه مرحله في حياتك ممكن تطول او تقصر بس هو نظام لازم تتعلمي ازاي تتعيشي معاه بخيره وبشره
لازم نستعد صح ع الاقل خدي اسبوع قبل ما تبتدي في الريجيم وفكري انتي عاوزه تعملي ايه وما تعمليش ايه
هقول بعض الخطوات اللي انا عن نفسي بشوف ان كل واحده ناويه تعمل ريجيم صح لازم تعمل الخطوات دي
1: أشوف انا وزني كام وزدته في قد ايه وايه السبب اللي خلاني ازيد ده كله قلة الحركه ولا نوع من اانواع الاكل ولا من النفسيه ولا ايه علشان اعرف انا مشكلتي ايه واحلها بسهوله
2: اعرف انا طبيعة شكل جسمي ايه ساعه رمليه ولا كمثري ولا تفاحه وايه الجزء المليان اكتر واعرف وادور ع ايه اللي يخسسه
3: اشوف انا ايه نوع الرياضه اللي يتناسب معايا ومع نظام حياتي ويومي
4:: احاول بالتدريج ابعد عن انواع الاكل اللي مش هعرف اكلها مع الدايت واحده واحده لان المنع الفجاه ده بيبوظ النفسيه اوووي ونتيجه الحرمان الفجأه ده وحش
5: نصيحه ما تقوليش لحد انك هتعملي ريجيم خاااااااااااااااااالص حتى اللي معاكي في البيت لو قدرتي انهم ما يعرفوش يكون احسن خليه سر بينك وبين نفسك لاسباب كتير اولها الحسد واخرها كتر الززززززززززززززززززززززززززززززززززن
6:: هخصص لنفسي مكافاه مع كل هدف احققه علشان يبقا حافز ليا علشان استمر في الدايت وفي مشواري
[COLOR="rgb(85, 107, 47)"]
7:: هشترك في جروب في النت او اتفق مع واحده صاحبتي اننا نعمل دايت سوا او اروح لدكتور ريجيم واتابع معاه علشان لو وقعت الاقي حد ياخد بايدي
[COLOR="rgb(0, 100, 0)"]
8:: ده حلمي انا هدفي انا امنيتي انا فمش هسمح لحد يقف في طريقي حتى لو كنت انا
9:: هفكر علطول هو انا لما اعمل كده وهوصل للي انا عوزاه حياتي هتتغير في ايه ثقتي في نفسي هتزيد طبعا وساعتها هحب اووي اللي انا بعمله علشان اوصل للحاله اللي حلبمت بيها وفي بالي دي
10: واخر حاجه واهم حاجه بقولها ليا وليكم استعيني بالله وادعي كتيررررررر اوووووي انك تخسي بصحه وعافيه وانتي بتدعي غمضبي عنيكي وشوفي نفسك بعد ما خسيتي ووصلتي لهدفك وساعتهلاا ادعي من قلبك ان ده يتحقق وهيتحقق فعلا
ده كان جزء من اللي في خاطري وكان نفسي اقوله لنفسي واشارككم معايا لاني رجعت من تاني بالجروب بتاعي وهتبتدي مسابقته بعد كام يوم
فكنت محتاجه اقول لنفسي وللي معايا في الجروب ده بس حبيت اشارككم معايا جزء من خبرتي في عالم الريجيم
وهو ده الموضوع الاول اللي بنزله برعاية " جروب شعارنا في الاسواق لوسمحت اصغر مقاس small size " وان شاء الله مش هيكون الاخير
اتمنى ان كلامي كان خفيف عليكم وقدرت اوصلكم المعنى اللي قصدته بجد
واسفه ع الاطاله واتمنى تشاركوني برأيكم في اللي قولته
وياااااااااااااااريت تقيموا الموضوع علشان الفائده تعم ع كله ان شاء الله
في حفظ الله ورعايته
[/color][/color]
أمنيتي أتغير للأحسن أمنيتي أتغير للأحسن 187750_28.gif فتكات غالية قوي Fatakat 187750 طنطا – طنطا