السلام عليكم ورحمة الله وبركاته
ازيكم ياأحلى فتوكات في الدنيا يارب كلكم تكونو بخير
بصوا عشان انا خلاااااص جبت اخري
هو انا هحكيلكم الموضوع من الاول وقولولي رأيكم لأني بصراحة برتاح لكلامكم
انا تقريبا بقالي 26 يوم في التاسع ومتابعة مع دكتور ماشاء الله كويس في كشفة وفي الولادة كمان المهم انه قالي ان الحوض عندي ضيق وراس الجنين منزلتش الحوض هي اه واخدة وضع الولادة بس الراس منزلتش الحوض وفعلا انا لو شوفتوني تلاقو بطني مرفوعة لفوق وكله بيقولي انتي تعرفي ان معاد الولادة قرب لما تحطي ايدك عند معدتك وتلاقيها فاضية وتلاقي الحمل نفسه نزل شوية لتحت انا مافيش خالص كله فوق عند معدتي وحتى بحس بالحركة عند معدتي مافيش اي الم تحت خالص فالمهم الدكتور قالي خلاص قيصري بس كل مرة يقولي اصبري شوية وكنت عنده امبارح وقالي اصبري ليوم الاحد ويوم في الرحم ب10 على الارض وعشان يكون اداها فرصتها للاخر بس انا مش عارفة يعني هو كان يستنى الطبيعي احسن ولا اية معلش انا مش فاهمة ودا اول حمل ليا وحاسة اني تايهة وبصراحة اكتر خايفة
كمان اسمع ان القيصري ببنج نصفي وفي بنج كلي طيب انهو أحسن انا بموووت من الحقن اصلا دا غير اني اسمع ان النصفي بيوجع الضهر وانا اصلا عندي العمو الفقري بتاعي واجعني من زمااااان وفيه فقرات بتحرقني لما المسها بايدي حتى فخايفة من النصفي عشان كدة بس اسمع برضه ان الكلي مش كويس فيدوني برأيكم ربنا يطمنكم يارب
moon_smile moon_smile 282327_3.gif فتكات رائعة Fatakat 282327 البحيرة – مصر