السلام عليكم فتوكاتى الحلويييين
انا جايه والله احكى لكم حكايه حملى الى الدكتور سجد على الارض لما لاقانى حاااامل وفضل يقووول سبحان الله
وده كان بفضل الله
((وحسن ظنى بالله))
انا ياجماعه متجوزه من فتره بسيطه وجوزى بيسافر 10 شهور وبيجى شهرين
ولاننا فى بلد ريفى هما دايما بيدوروا على الحمل على طول اتعقدت والله من الكلام وكله بيسالنى وكان ده بايدى
لغايه ما واحده قالتلى الواحده تتجوز وبعد9شهور العيل يجى
كنت رافضه اروح للدكتور بس روحت بعد ضغط وعملى متابعه تبويض وقالى لوفيه تاخيير فى البريود تعالى ولو مفيش خلالالالالالالالالالاص
وانتظرت واتاخرت يوميين وكنت فى منتهى السعاده لكن الصدمه انها جات قبل ما جوزى يمشى باسبوع
وقعدت اعيط والشيطان يضايقنى ويقولى هتستنى 10 شهور تانى وده لانى طبيعتى ان البريود بتقعد عندى 8 الى 10 ايام يعنى مفيش فايده
لكن المفاجاة ان البريود قعدت عندى 4ايام ودى اول مره فى حياتى والله وكنت مستغربه جدااا والله وكنت خايفه انها تكون هترجع تانى
وجوزى كان لسه له 3 ايام بس
وكل الناس قالولى عمر ما يحصل حمل فى تلت ايام والكل يقولى ازااااى عمرها محصلت خالص وسالت والله ناس كتييير وجوزى زعل جدااا
لكن انا كان عندى امل فى ربنا وقلت له انا ربنا قال انا عند ظن عبدى بى وفعلا كان عندى يقيييين كبييييييييييير جدااا والله وكنت حاسه بانشراح فى صدرى
وسافر جوزى
ى العزيز لشغله وانا فضلت فى مصر وانا تعبانه من كلالالالام الناس الى مسبونيش
واصحابى الى اتجوزوا معايا والى حامل وبتخبى عليه اصل احسدها وغيره وغيره
ولما جه ميعاد البريود فى الشهر التانى اتاخرت وانا محطتش فى دماغى
لكن فضلت حوالى اكتر من اسبوع متاخره
وجيت تعبت فرحت للدكتور
وكان التحدى بين يقينى فى الله وكلام الدكتور
انا دخلت عنده وحكيت له الى حصل
قالى باللفظ الجماع حصل فى ايام مفيش فيها تبويض ولالالالالالالا يمكن يحصل حمل
يعنى ايه تلت ايام يعملوا حمل مع العلم ان اليوم التالت جوزى كان مسافر فيه بدرى قووووى يعنى ميحسبش خالص
والله سمعت كلام الدكتور ومتهزتش خالص مع ان طبيعت اعصابى خفيفه جداااا
وقالى تعالى اكشف علشان احلل الكشف وخلالالالالاص
وفعلا ملقاش اى حاجه خالص
وقالى ماشى روحىوكان هيكتب لى حقن تنزل البريود
ومعرفش فجاه غير كلامه فجاه وقالى علشان محسش بالزنب اعملى اختبار حمل
وكان عنده شغل تانى وفضلت مستنياه لحد ماجه
وبص فى اختبار الحمل ولقيته نزل على الارض يسجد ويبكى ويقول سبحان الله سبحان الله
وبعده قالى انت حامل وكان فيه حاجه نزل قلبى وكانى فى حلم وبكيت احلى دموع من الفرحه وده لانى حسيت ان الى هيرزقنى هو الله
حتى لو الناس كلهم قالو لايمكن يحصل ابداااا
والحمد لله ربنا رزقنى ببنتى حبيبتى
ويارب يرزق كل الى بتتمناه وياريت تعملوا زييى والله هتلاقوا الخييييييييييييييييييير كله
فدى دعوة للتفاؤل متخافييش ده ربك الرزاااااااااااق الزى لاينام يستجيب الدعاء
بس انت قولى يارب بجد من قلبك وخلى عندك حسن ظن في ربنا سبحانه وتعالى
شاعره الجمال شاعره الجمال images/avatars/sunset.jpg فتكات هايلة Fatakat 608232 المنصوره – مصر